O Kaolahan Iso a Salawina Papatikol a Maˈorip!

Pairaay to rarom no tamdaw ato somad ko patay. Mihaenay, o ˈada hananay no Fangcalay Cudad ko patay. (1 Korinto 15:26) Itini saka 27 fedengan mananamayto iso papalaˈafoen ni Yihofa konini a ˈada, wa awato ko patay no hekal. O Mapatayayto a tamdaw sasamaanto hani? Iraayho ko hatokel nangra han? Tonini a fedengan, mamananam iso masapatekay masaˈofaday a mapatayay tamdaw papatikolen ni Yihofa a paˈorip, mamilifok cangra to tahadaˈocay a ˈorip. Hayi, papatikolen no Kawas paˈorip cangra! Onini makapahay a sakiˈok mamalaˈosi han? Patikol maˈorip cangra aitini i kakarayan, anca i fafekang no sera han?

1. Pakayni to mapatayay salawina ita, samaanay ko kalim no falocoˈ ni Yihofa?

Halamhamay ci Yihofa to sapatikolaw paˈorip to mapatayay tamdaw. Ci Yopu o iraay ko pakasoˈlinay falocoˈ to Kawas a tamdaw, pakasoˈlinay cingra ano mapatay cingra cowa ko mamapawan no Kawas. Sanay ko sowal ningra to Kawas: ‘Itiya i, mamiowaw Kiso i takowanan, papacaˈof kako i Tisowanan.’​—ˈOsien ko Yopu 14:​13-​15.

2. Hano mafanaˈ kita to papatikol maˈorip ko mapatayay tamdaw?

Itiniho i fafekang no sera ci Yis i, pafelian no Kawas cingra to ˈicel a patikol paˈorip to tamdaw. Na patikolan ni Yis paˈorip ko cecay 12 mihecaan a fafahiyan wawa ato faˈinayan wawa no cecay maponengay fafahiyan. (Marko 5:​41, 42; Luka 7:​12-​15) Ikor, mapatayay ko widang ni Yis ci Lacarus, patikolan ni Yis paˈorip cingra. Itiya mitolonay ci Yis to Kawas, oraanto pasayraay i tadem a miowaw: ‘Lacarus, kasadak!’ Ikor i, ‘masadakayto koya mapatayay.’ (Yohani 11:​43, 44) Sepatayto a romiˈad i tadem ci Lacarus, ˈarawhan maˈoripayto cingra nohatini! Haratengen iso hena hakowaay ko kalipahak no salawina ningra hani?

3. Mapatayayto a salawina iraay ko maanan a hatokel nangra?

Mikiˈokay ko Fangcalay Cudad, o ˈalomanay mapatayay tamdaw papatikol a maˈorip sanay. (Dmak 24:15) Haratengen koya mipatikolan ni Yis paˈorip a tamdaw, ˈayaw no patikol maˈorip cangra i, cowa ka tayra i kakarayan. (Yohani 3:​13) Mapatikolto maˈorip cangra itini i fafekang no sera i, tada lipahakay ko falocoˈ. Caayto ko hahalafin, wa patikolen ni Yis paˈorip ko masawalwalay a mapatayay a tamdaw i fafekang no sera, itiyato i, wa itini i lakoing midaˈoc a maˈorip cangra. Sowal ni Yis, ‘polong i tademay a tamdaw’ o papatikol a maˈorip maemin. Soˈlinto mapawanayto no tamdaw cangra, o haharatengen no Kawas cangra.​—Yohani 5:​28, 29 ato roma pihongyak.

CALEPEN MIKADKAD

4. Misawacayay ci Yis to niyah iraay ko ˈicel patikol paˈorip to mapatayay tamdaw

Nengnengen ko maˈoningay pakayni to pipatikol ni Yis paˈorip ci Lacarusan. ˈOsien ko Yohani 11:​14, 38-​44, ikor lengoen ko ilaenoay a salicay:

• Hano mafanaˈ kita to soˈlinay a mapatay ci Lacarus?​—Nengnengen ko 39 sinael.

• Ano tayraayto ci Lacarus i kakarayan a rihaked ko kaˈorip i, o harateng iso patikolen ni Yis patayniho i fafekang no sera cingra han?

Nengnengen ko IKA.

IKA: Patikolan ni Yis Paˈorip ci Lacarus (1:16)

5. O patikolay maˈorip a tamdaw cowa ko mamasaˈosi ko nika ˈaloman

ˈOsien ko ˈOlic 37:​29, ikor lengoen ko ilaenoay a salicay:

• O masapatekay masaˈofaday a patikolay maˈorip a tamdaw, wa icowa cangra a maˈorip?

Cowa ko midokoay aca to Kawas a tamdaw ko patikolan ni Yis a paˈorip, papatikolenho paˈorip ko romaroma a tamdaw. ˈOsien ko Dmak 24:​15, ikor lengoen ko ilaenoay a salicay:

• Sapinengnengaw kiso to cimaanan patikol a maˈorip hani?

Patikol paˈorip ci Yis to mapatayay tamdaw i, malecaday o pipalal no wama to wawa ko kadolo

6. Patikolay maˈorip pairaay to sahinom ato hatokel iso

Maˈoningay i Fangcalay Cudad to pakayniay i wawa ni Yayrus, pairaay to sahinom ato sapakalalok i mapatayay ko salawina a tamdaw. ˈOsien ko Luka 8:​40-​42, 49-​56, nengnengen konini maˈoningay a soˈlinay demak.

ˈAyaw no patikolen ni Yis paˈorip ko wawa ni Yayrus i, pasowalan ci Yayrus: ‘Aka ka talaw, edeng pasadaken ko pakasoˈlinay falocoˈ.’ (Nengnengen ko 50 sinael.) Patikolay maˈorip a tokel ngangaˈay samaan padama tisowanan misiˈayaw to ilaenoay a pakayraan?

• Mapatayay ko salawina

• Tahasiˈayaw to sakapatayaw no niyah

Nengnengen ko IKA, ikor lengoen ko ilaenoay a salicay:

IKA: O Tokel to Papatikol Maˈorip ko Mapatayay Patimoloay to Tamdaw (3:21)

• Patikolay maˈorip a hatokel samaanay mihinom to wama wina ni Afin?

KALIMLAAN

Mikiˈokay ko Fangcalay Cudad, o papatikol maˈorip ko polong mapatayay. Ciharatengay ci Yihofa patikol a paˈorip to mapatayay, maharekayto Cingra pafeli to ˈicel ci Yisan a patikol paˈorip to mapatayay.

Lomalen

• Hano mafanaˈ kiso to ciharatengay ci Yihofa aci Yis to sapatikolaw paˈorip to mapatayay?

• O patikolay maˈorip a tamdaw aitini kakarayan anca i sera han? Hano mafanaˈ kiso?

• Pasoˈlinay kiso to papatikol maˈorip ko salawina han? Misamaanay?

MALALITINGAY A LALAKAW

Nengnengen ko pina ciepocay a pakayraan misayar to mapatayay ko salawina a tamdaw.

“Samaan Misiˈayaw to Somad no Kapatay no Salawina?” (Katalipaˈelal! Saka 3 Liyad 2018)

Wa soˈlin a ngaˈay mihinom ko Fangcalay Cudad to mapatayay ko salawina a tamdaw han?

Ikor no Mapatay ko Salawina (5:06)

Sasamaan ko wawa masayar ko rarom to kapatay no salawina hani?

Sapatefoc (2:07)

Wa ira ko tamdaw aitini kakarayan patikol maˈorip han? Masamaanay a tamdaw cowa ko papatikol maˈorip?

“O Maanan ko Patikolay Maˈorip Hananay?” (Lalakaw no wangcan)