SAKA 60 FEDENGAN
Padadotoc Macakat, Mitongal to Kalawidang Iso aci Yihofaan
Minanam kiso to Fangcalay Cudad ikor, matongalayto ko kacipanang ci Yihofaan. Maolahayto kiso Cingranan, alatek patafangayto to tireng ci Yihofaan halo micadaayto to paputisem, anca miharatengay kiso cowa ka halafin wa mihaen ko demak. Ano samaanto i, cowa ko hererekan ko mipaputisemay, wa ngaˈay kiso padadotoc mitongal to kalawidang ci Yihofaan. Kawra, sasamaan ko demak hani?
1. Hano padadotocen a mitongal ko kalawidang iso aci Yihofaan hani?
Ka pisaˈicel kita, padadotoc matongal ko kalawidang aci Yihofa, ho eca ka ‘pawpaw sa a maˈalol’, miliyas ci Yihofaan. (Hipray 2:1) Sapipadadotocaw madimadi midoko ci Yihofaan, wa misamaan ko demak ita hani? Ceriden a mitosil, anca sakadademaken ko toki matayal saki ci Yihofaan. (ˈOsien ko Filipi 3:16.) Haratengen, midoko ci Yihofaan o sangaˈayay a pakayraan no kaˈorip!—ˈOlic 84:10.
2. Padadotocenho ko manan a demak?
Soˈlin mamihererekto koniya pinanam, kawra padadotocen ko kaˈorip no Krisciyang iso. Palimoˈotay ko Fangcalay Cudad kitanan ‘caˈedongen ko faelohay a capeling.’ (Ifiso 4:23, 24) Ano padadotoc kiso mikingkiw to kimad no Kawas, mirienang to saˈopo i, wa matongal ko kacipinang ci Yihofaan ato capeling Ningra. Todongen ci Yihofa itini i kaˈorip iso, pahecaden ko makapahay waywayan no niyah Cingranan; makalim misalof to niyah, pakahemek ci Yihofaan.
3. Sasamaan padama ci Yihofa tisowanan a macakat hani?
Sanay ko sowal no Fangcalay Cudad: ‘O Kawas ko papalaheci to sapahatatanam i tamowanan. Patanoktok Cingra tamowanan a paˈicel, eca ka ngiyangi a tanektek.’ (1 Pitiro 5:10) O mamakayhid kita maemin, kawra pafelien ni Yihofa to kihcod a saali ita a padama kitaanan, eca ka ngiyangi a tanektek. (ˈOlic 139:23, 24) O sakiˈok Ningra pakalalokay kitaanan, makalim kamayan ciˈicel madimadi midoko Cingranan.—ˈOsien ko Filipi 2:13.
CALEPEN MIKADKAD
Dotoc mamananam iso: Sasamaan padadotoc kiso a macakat hani? Samaanen ni Yihofa palemed kiso hani?
4. Ceriden masasowal to ngaˈayay a widang iso
Samaanay kiso patireng to kalawidang ci Yihofaan hani? Misaaliay to satolon ato mikingkiw to Fangcalay Cudad. Ano misaˈicel kiso toniya tosa pakayraan i, wa matongal matongal ko kalawidang aci Yihofaan.
ˈOsien ko ˈOlic 62:8, ikor lengoen ko ilaenoay a salicay:
Sapitongalaw to kalawidang ci Yihofaan, itini i satolon sasamaan paihkal to nafalocoˈan iso hani?
ˈOsien ko ˈOlic 1:2, ikor lengoen ko ilaenoay a salicay:
Sapitongalaw to kalawidang ci Yihofaan, mikingkiw kiso to Fangcalay Cudad i, iraayho ko sasalofen han?
Nengnengen hena, itini notekedan a pikingkiw iso, sasamaan milifok to adihayay a epoc. Nengnengen ko IKA, ikor lengoen ko ilaenoay a salicay:
Sakadademakaw kiso to manan a sapaini noniya ika han?
Itini i notekedan iso a pikingkiw, sapitongalaw kiso cipinang to manan a lalakaw han?
5. Patireng to patosokan i pidokoan
Itini i pidoko ci Yihofaan a demak, ano ira ko patosokan i, wa ngaˈay padadotoc a macakat. Nengnengen ko IKA, ikor lengoen ko ilaenoay a salicay:
Ci Kamilon patirengay to patosokan i pidokoan, milifokay to maanan a epoc hani?
Cowa ko kalo a tamdaw madolo a malinah tayra i roma pala a mitosil. Wa ngaˈay kita mitoor to kangaˈayan no niyah patireng to patosokan. ˈOsien ko Taneng 21:5, ikor haratengen hena:
Itini i kasakopang i, wa ngaˈay kiso patireng to maanan a patosokan hani?
Itini i mitosilay i, wa ngaˈay kiso patireng to maanan a patosokan hani?
O safalod no sinael, sasamaan padama tisowanan palaˈosi to patosokan hani?
Ngaˈayay tanamen iso a patosokan
Pacakaten ko pitolon iso.
Eminen miˈosi ko Fangcalay Cudad.
Eminen a mafanaˈ ko salikaka i kasakopang.
Patireng to cecay a pakingkiwan.
Pangangan to midamaay anca miceriday a misakafahay.
Ano o faˈinayan salikaka kiso, saˈicelen mala dama a sikawdan.
6. Layapen ko midaˈocay a ˈorip!
ˈOsien ko ˈOlic 22:26, ikor lengoen ko ilaenoay a salicay:
Sasamaan ko demak iso ngaˈ, nohatiniho milayap to midaˈocay a ˈorip hani?
KALIMLAAN
Padadotocen patongal ko kalawidang ci Yihofaan, patirengho to patosokan i pidokoan, ano mihaen kiso i, wa ngaˈay milayap to midaˈocay a ˈorip!
Lomalen
Hano pakasoˈlin kiso to mamipadama ci Yihofa tisowanan a madimadi midoko Cingranan hani?
Sasamaan kiso patongal to kalawidang ci Yihofaan hani?
Patireng to patosokan i pidokoan hano ngaˈay padama tisowanan a macakat?
MALALITINGAY A LALAKAW
O manan ko misakaretengan ni Yihofa a minengneng hani? O sapipasengi aca to tao han? Anca to romiˈamiˈad midoko Cingranan han?
O madimadiay a sikawdan ni Yihofa, malahdaway ko lipahak alatek. Sasamaan miliyaw milifok to lipahak hani?
Mikingkiw ato Midotim Ngaˈayay Miliyaw Milifok to Lipahak (5:25)
Pakayni i pidokoan, sasamaan kiso patireng to patosokan hani? Sasamaan palaˈosi to patosokan hani?
“Patireng to Patosokan i Pidokoan, Paˈdil to Misangaˈay a Tapang” (Mikecolay, 2004/7/15)
Hano misaali ko Krisciyang to ‘macakat malo matenesay’ hani? Sasamaan ko demak?
‘Maraodayto ko Romiˈad ni Yihofa’, Ka Macakat Malo Matenesay (Mikecolay, 2009/5/15)