SAKA 01 FEDENGAN
Sasamaan Padama ko Fangcalay Cudad Tisowanan?
Kita ˈalomanay tamdaw iraay ko salicay pakayni nokaˈorip, hano misemsem, mapatay ko tamdaw, samaanay ko noikoran? Ciharatengay kita to kahirahira a demak nokaˈorip, mamisamaan paririˈ to paro no lomaˈ, misamaan ira ko rahekeray no paro no lomaˈ. Mahapinangay no ˈalomanay tamdaw iraay ko caˈof no Fangcalay Cudad pakayni nokaˈorip, mihadakay to ciepocay a sapasifanaˈ, padama to tamdaw lipahak ko kaˈorip. Cima ko ngangaˈay mikitini i Fangcalay Cudad micada to sapadama hani?
1. Papacaˈof ko Fangcalay Cudad to maanan a salicay hani?
Papacaˈof ko Fangcalay Cudad to ilaenoay a kalimlaan a salicay: Naicowaay ira ko ˈorip? Manan ko araaw nokaˈorip? Hano misemsem kita? Mapatayto ko tamdaw samaanay aki? Manonoˈay ko tamdamdaw to sakarihadayaw nokaˈorip, hano saadihay sa ko lalood hani? Wa samaanto ko cikiw no ikor? Pakalalokay ko Fangcalay Cudad kitaanan, mikilim to caˈof nonini a salicay. Mafanaˈay kiso han? Mahelaayto no pinaay soˈot a ˈofad a tamdaw ko kasaloan nangra a caˈof.
2. Sasamaan padama ko Fangcalay Cudad kitaanan raheker ko kaˈorip hani?
Adihayay ko sapasifanaˈ no Fangcalay Cudad. Tinakoen, pakafanaˈay ko Fangcalay Cudad sasamaan raheker ko kaˈorip no paro no lomaˈ, sasamaan miremo to saroero, sasamaan mikitini i tayal milifok to kahemekan. Ano padotoc kiso minanam, wa mahapinangto iso, o Fangcalay Cudad itini i maamaan no kaˈorip, iraayho ko ngaˈayay a tatiˈeren a sapasifanaˈ. Wa mihayi kiso toniya sowal: ‘Fangcalay Cudad sahtoay . . . o ciepocay a sapasifanaˈ.’—2 Timoti 3:16.
Oniya tilid cowa ko mamikotay to Fangcalay Cudad, ao papadama tisowanan cipinang to Fangcalay Cudad. Mankora, pakalaloken niyam kiso ˈosien ko kahacecacecay a sinael, sinanoten samaanay ko nika pilingat no sinael i tisowanan.
CALEPEN MIKADKAD
O mamananam iso, samaanay padama ko Fangcalay Cudad to tamdaw? Samaan kiso mahemeken a miˈosi to Fangcalay Cudad? Ano ira ko tamdaw padama tisowanan minanam to Fangcalay Cudad, hano o ngaˈayay aki?
3. Mikayatay ko Fangcalay Cudad kitaanan
O Fangcalay Cudad mahecaday o tingci palakelaw to lalan ita, padama kitaanan mataneng ko pisaˈosi, mihapinang to rarakaten.
ˈOsien ko ˈOlic 119:105, ikor lengoen ko ilaenoay a salicay:
O mitiliday toniya ˈOlic a tamdaw, samaanay ko pinengneng ningra to Fangcalay Cudad hani?
Kiso i, samaanay ko pinengneng to Fangcalay Cudad hani?
4. O Fangcalay Cudad pacaˈofay to salicay ita
Mahapinangay no cecay fafahiyan, o Fangcalay Cudad pacaˈofay to pinaayto a mihecaan, micariraway cingranan a salicay. Nengnengen ko IKA, ikor lengoen ko ilaenoay a salicay:
Onini a fafahiyan na iraay ko manan a salicay hani?
Minanam to Fangcalay Cudad samaanay padama cingranan?
Pakalalokay ko Fangcalay Cudad kitanan mihadak to nai falocoˈay a salicay. ˈOsien ko Matay 7:7, ikor lengoen ko ilaenoay a salicay:
Iraay ko manan salicay iso hani?
5. Wa mahemek kiso miˈosi to Fangcalay Cudad
ˈAlomanay tamdaw maolahay miˈosi to Fangcalay Cudad, milifok to adihayay a epoc. Nengnengen ko IKA, ikor lengoen ko ilaenoay a salicay.
Onini a kaemangay maolahay cangra miˈosi to cudad han?
Hano maolah cangra miˈosi to Fangcalay Cudad nohatini?
Fangcalay Cudad pasifanaˈay kitanan, mihinom kitanan, pafeli to hatokel. ˈOsien ko Loma 15:4, ikor lengoen ko ilaenoay a salicay:
Saka cipinangaw kiso to sahinom no Fangcalay Cudad ato hatokel han?
6. Ano ira ko padamaay tamdaw tisowanan mamadoloto a cipinang to Fangcalay Cudad
Aka o niyah aca minanam to Fangcalay Cudad, ano ira ko sakalalengo a tamdaw wa adihay ko epoc. ˈOsien ko Dmak 8:26-31, ikor lengoen ko ilaenoay a salicay:
Sakacipinangaw to Fangcalay Cudad, misamaan to demak kita ngaˈ?—Nengnengen ko 30 ato 31 sinael.
Nolitengan Iciyopiya a tamdaw misaaliay to sapadama, ngaˈ cipinangay to tatodong no sinael. O malalengoay pakayraan padamaay to ˈalomanay cipinang to Fangcalay Cudad anini
ANO SAAN KO TAO I, “Minanam to Fangcalay Cudad misaloyaˈay to toki,” sanay.
Sasamaan ko caˈof iso? Hano mihaen ko sowal iso?
KALIMLAAN
Fangcalay Cudad mihadakay to ciepocay a sapasifanaˈ i nokaˈorip, pacaˈofay to masakalimlaan a salicay, mihinom to tamdaw pafeli to hatokel.
Lomalen
Naitini i Fangcalay Cudad wa mahela ita ko maanan a sapasifanaˈ?
Wa pacaˈof ko Fangcalay Cudad to maanan a salicay?
Sapinanamaw kiso to maanan itini Fangcalay Cudad hani?
MALALITINGAY A LALAKAW
Sapasifanaˈ no Fangcalay Cudad ciepocay anini han?
“Matelangayto ko Fangcalay Cudad Han?” (Mikecolay, Saka 1 Liyad 2018)
Nano kaemangho cingra madokaay ko falocoˈ. Nengnengen hena samaanay ko Fangcalay Cudad padama cingranan.
Itini i paro no lomaˈ iraay ko maanan a ciepocay sapasifanaˈ no Fangcalay Cudad.
Cima ko soˈlinay mikowan toniya hekal? O mararaway noka pinengneng no ˈalomanay toninian, samanay pacaˈof ko Fangcalay Cudad.