Mikangodo

Samaanan ni Pawlo Midemak

IKA: Mitosilan ni Pawlo ko Atin tamdaw

1. Nengnengen ko IKA, anca miˈosi to Dmak 17:22, 23. Ikor haratengen ko salicay:

1. Sahtoay o samiyay ko maˈaraway ni Pawlo i Atin, samaanay ko harateng ningra hani?​—Nengnengen ko Dmak 17:16.

2. Cowa ka likafen ni Pawlo ko Atin a tamdaw, mikangodoay to harateng nangra. Misamaanay cingra milalangian to pihakelongan no Atin a mitosil hani?

Mikitini i Midemakan ni Pawlo, O Manan ko Mananamay Ita?

2. Songilenˈ ita a miharateng to, o manan ko hasowal, samaanen a pasowal, hacowa pasowal, wa makahi ko tao a mitengil to mitenakan ita a lihaf.

Todongen ci Pawlo a Misakadademak

3. Piliˈen ko matatodongay a pakayraan a somowal. Tinakoen, ano mitosil kiso to cowa ko Kristokiyo a tamdaw i, misiwkay to Fangcalay Cudad aci Yisan i, piliˈen ko matatodongay a pakayraan a somowal, ho makahi cingra a mitengil alatek.

4. Aka patelas sa misalof to tao. Papifahfah han cingra to sasowalen. Ano mahadak ko misafelitay to safalod no Fangcalay Cudad i, aka tangsol han a micoay a pacaˈof. (Yakop 1:19) Padadotocen mitengil ko sowal ningra, ho cipinang to harateng ningra.​—Taneng 20:5.

5. Cadaen ato pakahemeken. Pakasoˈlinay cingra to o matatodongay ko pihekalongan ningra alatek. Malalengo to mihayian no mita a demak, ikor dengkini sa i, padama cingranan cipinang to misamanay ko sowal no Fangcalay Cudad.