Palalimlimen ko Falocoˈ no Tao

Samaanan ni Yis Midemak

IKA: Siniˈadaay ci Yis to Tamdaw

1. Nengnengen ko IKA, anca miˈosi to Marko 6:30-34. Ikor haratengen ko salicay:

1. Hano liyasen ni Yis ato tarokos ko ˈalomanay tamdaw?

2. Misamaanay hano miliyaw ci Yis pasifanaˈ cangranan?

Mikitini i Midemakan ni Yis, O Manan ko Mananamay Ita?

2. Ano palalimlimen ita ko falocoˈ, wa ciharateng to tao, cowa pitosil aca ko miharatengan.

Todongen ci Yis a Misakadademak

3. Songilaˈen a mitengil ko sowal no cilomaˈay. Papifahfahen to sasowalen, hamaan ketonen, sakahmawen ko harateng, kacariraw ato pinengneng ningra. Ano mihaen kiso, wa mafanaˈ cingra to kaciharateng iso.

4. Adihayen ko piharateng to demak ningra. Pakayra i sasowalen namo a miharateng:

1. ‘Hano sapitengilaw cingra to ngaˈayay lihaf hani?’

2. ‘Ano minanam cingra to Fangcalay Cudad, hano mangalef ko lipahak hani? O manan ko hatokel no ikoran ningra?’

5. Paladaˈen ko matatodongay a lalakaw. Kalikien a padama pakacipinang cingranan, wa pacaˈofen no Fangcalay Cudad ko salicay ningra, soˈlin a mapadama cingra.