Saˈosien ko Falocoˈ

Samaanan ni Yis Midemak

IKA: Pasifanaˈan ni Yis ci Nikotimus

1. Nengnengen ko IKA, anca miˈosi to Yohani 3:1, 2. Ikor haratengen ko salicay:

1. Hano o dadaya ko sapikilim ni Nikotimus ci Yisan?​—Nengnengen ko Yohani 12:42, 43.

2. O dadaya ko sapilitemoh ni Yis ci Nikotimusan, padama to tamdaw malo nisawawaan, mahemekay cingra mihaen to demak. Hano mahaen ko sowal?

Mikitini i Midemakan ni Yis, O Manan ko Mananamay Ita?

2. Ano maolahay kita to tao, saˈosien ko falocoˈ, halo saˈicelen a padama to tamdaw malo Krisciyang.

Todongen ci Yis a Misakadademak

3. Itini kangaˈayan ningra a tatokian ato kitiraan a minanam. Ihacowa a pilipayan, hacowa a toki ko pilengoan no sito? I lomaˈ han, i ˈalomanay kitiraan anca i katayalan a minanam to Fangcalay Cudad? Ano ngaˈay i, salofen ko toki iso a milimasmas patatodong cingranan.

4. Saˈosien ko toki a mihatatanam. Ano ira ko demak iso, aka tangsol sa a misawad to kalalengo, haratengen:

1. Wa ngaˈay i roma romiˈad noniya lipay a milengo to sito han?

2. Wa ngaˈay tano tingwa, anca tingnaw a malalengo han?

3. Wa ngaˈay mitaˈaw to roma a saikaka a malalengo cingranan han?

5. Cangacangen ci Yihofa to matatodongay a waywayan. Soˈlin pasangaray ko sito i saˈosian a tatokian a malalengo, anca pasangaren misakadademak to mahatatanamay ningra, cangacangen ita ci Yihofa padadotoc a pakafanaˈ cingranan. (Filip 2:13) Adihayay ko kangaˈayan no sito iso, tolonen ci Yihofa a Kawas mihapinang to kangaˈayan ningra.