Pacakaten Ko Taneng A Mitosil​—Mafanaˈ Mifikel a Patatodong

HANO KALIMLAAN KONI: Mimingay ˈopo a siri ato roma lopayˈay a siri mitahidangay to masakenakenaay a tamdaw, papitado saan a minanom to sakaciˈorip a nanom. (Paˈarawan 22:17) “Sakaciˈorip a nanom” hananay i, o limasmas ni Yihofa to sakatedalaw nai raraw ato patay ko midofdofay a tamdaw.[1] Toha sapadamaaw to masasiromaay serangawan ato pidoyongan a tamdaw, o sasinanoten ita ko kahacecay a pakayraan, kalasaka dademaken ko misolotay to tamdaw a hapakayraan a mitenak to ‘midaˈocay a ngaˈayay a lihaf.’—Paˈarawan 14:6.

SAMAANEN KO DEMAK:

• Piliˈen ko matatodongay a hasowal ato sinael, o patosokan i: Ho masemer ko i kilacay a tamdaw. Latek piliˈen ko cecay sakasasowal a taˈarawan, anca o kalasaka dademakanto iso a ciepocay hasowal. Saharateratengen, mahemekay to manan a kimad ato sinael ko tamdaw hani? Kalasowalan no tamdaw ko manan a sinfong nohatini hani? O manan ko kahemekan no faˈinayan, ato fafahiyan a demak hani?

• Tano kananaman no niyaroˈ tamdaw a sowal misatapang caciyaw, sakaretengen ko pinangan no itiraay tamdaw.—2 Korinto 6:3, 4

• Mafanaˈ a kalasaka dademak to mitepangan cudad ato ika i Lalosidan no Sapasifanaˈ patiriˈ to maolahay tamdaw

• Paliˈayawen a miharateng to mamalitemoh ko maanan ko sowal a tamdaw, misiyacay tono mira a sowal a lalakaw

• Tooren ko pakayraan no cilomaˈay a mifikel to hasowal iso. (1 Korinto 9:19-23) Patinakoen, ano mafanaˈay kiso to mapatayay ko cima no cilomaˈay i, sasamaanen iso ko hasowal?

MINENGNENG TO IKA, IKOR PACAˈOFEN KORA ILAENOAY SALICAY:

• Tano maanan a sowal kora mitosilay misatapang masasowal to cilomaˈay?

• Malifaay nora cilomaˈay ko maanan a demak hani?

• Itiya i, o maanan a sinael ko matatodongay a sapatiriˈ iso hani? Misamaanay?

• Sasamaanen iso mifikel ko hasowal a misolot to i kilacay a tamdaw hani?