Mitosil i, Saka Dademaken ko Kaciharatengan no Tamdaw a Demak

Ya mitosil ci Yis i, misaka dademakay cingra to kaciharatengan no tamdaw a demak, pakafanaˈ to kalimlaan a kimad, wa ngaˈay kiso tano mahecaday a pakayraan mikowad to kahemekan no tamdaw mitengil to ngaˈayay lihaf. (Luka 13:1-5) Salakat i, ngaˈayay lengoen iso ko ˈaca no dafong, mifekaday a pades, fodifod, miselipay to etok anca romaroma a demak, ikor tano salicayen a mikowad to harateng no tamdaw. Ngaˈayay haenen a milicay: “O harateng iso i, o mahaenay a pasangar wa ngaˈay masaysay han?” Anca “Sasamaan ngaˈ misaysay toniya pasangar?” Dotoc, paˈarawen to cecay sinael. Ano mahemek cingra i, siwkayen to cecay mitepangan a lalakaw anca ika itini i Lalosidan no Sapasifanaˈ. Nanay mahecad kita to masowalay no Fangcalay Cudad pakayni ngaˈayay lihaf ‘makalim a midemak to masakenakenaay a demak,’ tawlik a mitosil patemer to falocoˈ no tamdaw!—1 Korinto 9:22, 23.

Itini i kitiraan iso, o manan ko kahemekan no tamdamdaw a demak hani?