O Manan ko Misakalimlaan no Mako?

Malaˈodot ci Yakop ato coyoh, to sapilifokaw to sapalemed ni Yihofa. (Satapangan 32:24-31; Hosiya 12:3, 4) Tatodongen ita ci Yakop, kiemel a misarocod midofdof ci Yihofaan, milifok to sapalemed Ningra han? Patinakoen, itini i pirienang to saˈopo ato piciyapan, o manan ko papiliˈen iso hani? Itini pikalasaka dademak to toki, to ˈicel, to payci, ano saˈayawan ita pafeli ci Yihofa, hahaeminen Ningra palemed kita, awato ko kacangoˈotan. (Malaki 3:10) O kakayaten ato dadipoten Ningra kita, midimokos to kihcod a saali no mita.—Matay 6:33; Hipray 13:5.

Minengneng to ika: Pamotek to Noˈadingoan a Patosokan, ikor pacaˈofen kora ilaenoay salicay:

• 

  Itira tora ika, o kaolahan a demak nora salikaka, misamaanay hano mala sapalifet i cingranan?

• 

  O katayalan no mita, misamaanay hano o sapalifet kitanan nolatek?

• 

  Ci Timoti o matenesayto a Krisciyang itiya, hano patirengho to patosokan cingra?​—1 Timoti 4:16

• 

  Itini nokaˈorip ita, o manan ko masaka limlaan a demak hani? Sasamaanen ita patalahkal koni?