Sasamaanen Kalasaka Dademak ko Sakasasowal a Taˈarawan

Naitini i 2018 miheca saka 1 folad, o sakasasowal a taˈarawan masadakay i saka cecay fiedac no Mitosilay ato Nikaˈorip—Rayray no Saˈopo. Sasamaanen ita kalasaka dademak kora hani?

Minanam a Mikimad Itini i Kasaˈopoan: Sakadademaken iso kora salicay, sinael, ato miterekan salicay. Nikawrira, haemin han iso a mitodong kora kacaciyaw i ika, cowa ka saan. Ngaˈayay falicen iso ko sapikayat ato sapitadtad a sowal. Ngaˈayay pafelien iso to cudad to naitiniay i Lalosidan no Sapasifanaˈ, soˈlin latek cowa ka masowal itira tora sakasasowal a taˈarawan.

Itini i Pitosilan: Ora sakasasowal a taˈarawan o sadama aca sapaini a taˈarawan. Ano mangalayay kora cilomaˈay i, ngaˈayay padadotocen iso kora kasasowal namo, latek sakadademaken kora sapilisoˈ a taˈarawan. Latek ngaˈayay pasasiromaen iso a mifalic ko hasowal. Latek ˈayaway no pina folad a sakasasowal mamahemek ko tamdaw hokira? Anoca mahemekay ko tamdaw milengo to mafekaday a demak i kilac han? Ano samaanento iso misaka dademak kora sakasasowal a taˈarawan, o patosokan iso i, ‘pakayni i ngaˈayay lihaf, makahi kako midemak to maamaan, to sapitenakaw to ngaˈayay lihaf i tamdaw.’ —1 Korinto 9:22, 23.