Sasamaan Sakadademak to Sakasasowal a Taˈarawan

Oniya sakasasowal a taˈarawan nao makilimay no ˈalomanay a salikaka a sangaˈayay a hasakadademak. ˈAlomanay mitosilay a salikaka mahapinangay nangra tada makapahay konini a sapaini. Kawra, cowa ka hecahecad ko pakayraan no kalo a kitiraan, ano mitosil kita i, ngaˈayay safalifalicen ko sasowalen a misolot to ikilacay a tamdaw. Kawra, ano ira ko mikiriwiˈay a mitosilay limasmas i, wa tooren ita ko sakayat. O patosokan ita, o mamilaheci to patorodan ni Yis kitanan a ˈinorong, mitenak to ngaˈayay lihaf no Hongti Kitakit.—Matay 24:14.

Ano misaday to mihatatanamay a kamok i, o salikaka wa tooren ningra ko sapitosil a sapaini i Mitosilay ato Nikaˈorip Rayray no Saˈopo a mikimad. Wa ngaˈay kiso tano o saali no kilac a milicay, sinael, miterekan salicay anca hahalengoen a lalakaw ano milisoˈ no ikor. Cowa ko toor han ko sakasasowal a taˈarawan, edeng ano ira ko mikiriwiˈay a saali ato sakayat. Onini mikotayay to Saka 6 Folad 2020 a rayray no saˈopo, 8 fiedac a sakayat.