Dopoen ko Sarikec ni Yihofa a Limasmas i, Paihekalay to Olah

Mifalahay a limasmas mitafoay to kasakopang, ato mirikecay to coka kahi pasasiyor a tamdaw. (1 Korinto 5:6, 11) Ano mitooray kita to limasmas ni Yihofa, o paihekalay to olah no niyah. O hatiniay a limasmas hano sakararom no cisalawinaay a tamdaw ato mirikecay a iing, misamanay hano o paihekalay to olah han ko hatiniay?

Saka cecay lalangian i, ano mihaen i, o paihkalay ciolahay kita to fangcalay ngangan ni Yihofa ato makoracay a palinian, o masaka limlaan konini. (1 Pitiro 1:14-16) Saka tosa i, mihaen i, paihkalay kita to ciolahay to mafalahay tamdaw. Mikedecay a sarikec tada midokaˈay to falocoˈ no tamdaw, “pakayni tonini a demak ko sakacirihaday ato sakamoecel no tamdaw.” (Hipray 12:5, 6, 11) Ano padadotoc kita macacawmaˈ to mafalahay ato miliyasay to kasakopang a tamdaw i, malecaday to miafaday to sarikec ni Yihofa. Aka ka pawan, patatodongan ni Yihofa ko sarikec. (Yirimiya 30:11) Wa midopo kita to sarikec ni Yihofa, paroceken ko ngaˈayay a nanamen a pidoko. Roma i wa tatalaen ita pasasiyor cangra tayni i cisidaitay a Wama.—Isaya 1:16-18; 55:7.

Nengnengen ko Ika: Misarocod Mitafo to Madimadiay , Ikor Pacaˈofen ko Ilaenoay Salicay:

• 

  Maˈaraw no wama wina ko wawa a miliyas ci Yihofaan, wa masamaan ko canais no falocoˈ nangra?

• 

  Wa misamaan ko salikaka midama to lalomaˈan no ciraraway?

• 

  O manan a sowal no Fangcalay Cudad paihekalay saki ci Yihofa a madimadi ikakaen kono paro no lomaˈ?

• 

  Misamaan kita ngaˈ, mikikakaay ko nika madimadi ci Yihofaan to nika madimadi to paro no lomaˈ?