O Mirikecay—O Olah ni Yihofa

Sakakaay a todong no saparikec i, o mamikayat ato papakafanaˈ, mahawpay ko misalofay ato mitefocay. Miparikec ci Yihofa kitanan, oha saka fanaˈaw no mita a tano mihaydaan Ningra a pakayraan a midoko i Cingranan. (Loma 12:1; Hipray 12:10, 11) Latekay, ano maparikec adadaay ko falocoˈ, nikawrira ano tengilen ita i, o moecelay sanay ko Kawas a minengneng kitanan, mapalemed Ningra. (Taneng 10:7) O miparikecay ato maparikecay a tamdaw o papaifalocoˈen ko manan a demak?

Miparikecay a tamdaw. O malohemay malitengay, wama wina ato romaroma tamdaw, mamisaˈicel mitodong to taˈarawan ni Yihofa, tano olah a miparikec. (Yirimiya 46:28) Soˈlinto paki:dem ko saparikec to tamdaw, paihkalen ko ciolahay falocoˈ, tano matatodongay a pakayraan a midemak.—Titus 1:13.

Maparikecay a tamdaw. Ano o mananto a saparikec, hamaan a milalang, tangso:len a micada. (Taneng 3:11, 12) Caay ka lefot kita, misaaliay to saparikec, mikitini i sinael ato kasaˈopoan a maparikec. Latekay romaroma tamdaw o aiingen a maparikec. Micada to saparikec mamilayap to midaˈocay a ˈorip.—Taneng 10:17.

Nengnengen ko Ika “Mirikecan ni Yihofa ko Kaolahan Ningra a Tamdaw,” Ikor Pacaˈofen ko Ilaenoay Salicay:

• 

  Nai masamaanay a paro no lomaˈ lomahad ci Canon? Samaanay ko kafalic no kaˈorip ningra?

• 

  Samaanan ni Yihofa tano olah a miparikec cingra?

• 

  Naitini i milifetan ningra mananamay ita ko manan?