Paihekal to Fanekfekay Harateng

O midengaay ko faedetay a falocoˈ. Paihkal kita to faedetay falocoˈ mamisongilaˈ ko tamdaw mitengil to hasowal ita, o paihkalay konini to misakaretengay kita to mihadakan a lihaf. Soˈliˈlin ano o maomoyay kita, wangaˈay palahad to faedetay a falocoˈ. (Loma 12:11) Wa misamaan kita to demak hani?

Salakat i, haratengen ko nika masaka limlaan no ngaˈayay lihaf. Mitenak to ‘ngaˈayay a lihaf no makapahay demak,’ o kalikoanto konini! (Loma 10:15) Ikor i, dotimen a miharateng, o ngaˈayay a lihaf misamaanay mipadama to tamdaw misalof to kaˈorip nangra. O tatengilen no tamdaw ko hatiniay a lihaf. (Loma 10:13, 14) Safaedeten ko falocoˈ misacaciyaw, o pising ato tireng iso paihkalay to naifalocoˈay a harateng.

Nengnengen ko Ika Mitosil Pasifanaˈ to Tamdaw Palipahakay Kitanan—Pacakaten ko Inaneng a Pasifanaˈ—Paihekal to Fanekfekay Harateng, Ikor Pacaˈofen ko Ilaenoay Salicay:

• 

  Hano malahdaw ko faedetay falocoˈ ni Iciyang?

• 

  O manan ko padamaay ci Iciyangan miliyaw paihkal to faedetay a falocoˈ?

• 

  Hano hahapinangen ita ko ngaˈayay a capeling no mitosilan a tamdaw?

• Faedet ko falocoˈ no mita, wa masamaan a mafiyor ko pacekiwan ato romaroma a tamdaw?