SAKA 11 FEDENGAN

Fanekfek ko Pikimad

Loma 12:11

KALIMLAAN: Fanekfek ko mikimaday i, wa misarocod a mitengil ko tamdaw, pakalalok cangranan a midemak.

Patemeren ko falocoˈ no niyah. Itini pisaday to lalakaw no kimad i, songilaˈen misimsim a miharateng kora kalimlaan a lihaf. Ano macalep iso ko lalakaw i, wa ngaˈayto kiso patalahkal to fanekfekay.
Haratengen ko saali no mitengilay. Simsimen ko sapakafanaˈ iso ato aˈosien a lalakaw, o manan ko mamananam no mitengilay, simsimenho sasamaan ko hasowal ngaˈ, cipinang cangra to epoc no lalakaw.
Misemer to falocoˈ ko pikimad. Ano mikimad i, fanekfeken, o pising ato kawing no kamay, paihkalay to naitiniay i falocoˈ ko sowal iso.

Ano oyaanto ko kawing no kamay i, cowa ko papaˈicel to kimad iso, wa makalisanga ko falocoˈ no tamdaw. Patatodongen to lalakaw ko kawing. Ano somowal to kalimlaan anca papidemak to tamdaw i, itiya a patalahkal to fanekfekay. Aka rarid sa ˈakawang ko pisafanekfek a mikimad, ano mahaen i, maˈisangen ko mitengilay.