SAKA 18 FEDENGAN

Mitongal to Sifanaˈ no Mitengilay

1 Korinto 9:19-23

KALIMLAAN: Tano mitemeray to falocoˈ a pakayraan patenak to sifanaˈ, ho ngaˈay mananam no tamdaw ko kimad.

Sinanoten to hakowaay ko kafanaˈ no mitengilay tora lalakaw. Aka sa tikotikol han ko kafanaˈanto a kimad, safaelohen a mitadtad, milomal to sifanaˈ, hongaˈ faeloh ko noka cipinang.

Ano milengo to kafanaˈan no ˈalomanay a kalimlaan i, sakaliki han a somowal. Milengo to faelohay a kalimlaan i, naˈonen misongilaˈ a mitadtad.
Sopeden ko lalakaw ato calepen a misimsim. Ano ngaˈayay i, kidaten ko masowalay no sinpong a demak, anca cowa ko kafanaˈan no tamdaw a lalakaw a somowal. Calepen mifolfol kora mikidatan a lalakaw, haratengen to samaanay milingat to lalangian.

Folfolen ko lalakaw, mikidat to pisimsim iso, tinakoen o toki, kitiraan, tamdaw, demak, lalangian, kalingad no demak, ato wacay. Itini pikimad, licayen pacaˈofen a mihadak tora kalimlaan, hongaˈ matemer ko mitengilay to sowal iso.
Sowalen to ngaˈayay sakadademaken kora lalakaw. Sowalen to samaanen a misakadademak to kalimlaan no sinael itini i kaˈorip. Patinakoen a mitadtad, ano malitemoh ko maanan pakayraan i, sasamaanto mifalic ko mitengilay to piharateng ato mamidemak to maanan a demakan.