SAKA 6 FEDENGAN

Ihkalen ko Pitadtad to Sinael

Yohani 10:33-36

KALIMLAAN: Maharek a miˈosi to sinael i, hamaan tangsol sa tayra i roma a kalimlaan, pakacipinangenho to tatodong no sinael ato kalaliting to lalakaw.

HAPAKAYRAAN:

Patalahkalen ko milingatay to kalimlaan no sinael a tilid. Maharek miˈosi to sinael i, toroˈen tora milingatay to kalimlaan no sinael a tilid. Liyawen a somowal ko kalimlaan no sinael a tilid, anoca licayen, papisinanot tora milingatay to kalimlaan no sinael a tilid.

Ano sakadademaken ko roma tilid mikotay tora milingatay to kalimlaan no sinael i, pakacipinangen ko mitengilay iraay ko manan kalaliting nora sinael atora kalimlaan no lalakaw.
Paihkalen ko kalimlaan. Mihadak to kalimlaan ato miˈosi to sinael ikor, tadtaden ko milingatay to kalimlaan no sinael a tilid, samaanay midama to kalimlaan no lalakaw iso.

Ano mitadtad to sinael i, hamaan tahafen ko Fangcalay Cudad, mihaen i, mahapinang no mitengilay o naitiniay i Fangcalay Cudad ko sowal iso.
Tano madoloay kacipinangan a pakayraan mitadtad to tatodong no sinael. Haratengen hakowaay ko kafanaˈan no mitengilay tonini lalangian, ngaˈ misaˈosi to hakowa ko tatongalen a lalakaw. Hamaan mitongal to cowa ka pilingat a lalakaw, hongaˈ madolo cipinang to kalimlaan no lalakaw.