SAKA 13 FEDENGAN

Tadtaden ko Epoc no Sifanaˈ

Taneng 3:21

KALIMLAAN: Padamaen ko mitengilay cipinang to milengoan iso a lalangian, samaanay ko pilingat i cangranan, ho mafanaˈ cangra sasamaan misakadademak to mananamay.

HAPAKAYRAAN:

Haratengen ko saali no mitengilay. Haratengen hano maminanam cangra tonini a sifanaˈ, haratengenho o maamaan a kalimlaan ko sakaciepoc cangranan.
Pakafanaˈen ko mitengilay sasamaan misakadademak to mananamay. Mikitini pisatapangan, pakafanaˈento cangra to nika pilingat nonini lalakaw i cangranan. Ano mitadtad to kalimlaan i, sowalen to sasamaan misakadademak to mananamay nangra. Patodiceken a somowal, ihkalen a mitadtad.

Mitadtad to safalod no Fangcalay Cudad i, paihkalen to kaciharateng cangranan, cipinangay kiso cangranan. Cowa ko sapirikecaw, o papaˈicel to olah ato pakasoˈlinay to Kawas. Pakasoˈlin to mamisaˈicel cangra midemak to matatodongay a demak.