MISADAY TO MITOSILAY | TONGALEN KO LIPAHAK A MITOSIL
Padama to Pacekiwan Macakat—Mananam Micekiw
Toha sapadadotocaw a miingid ci Yihofaan, malo matenesay a Krisciyang, o nika fanaˈ aca no sito to sapasifanaˈ a kimad, cowaho ka edeng. (Matay 5:3; Hipray 5:12–6:2) Papalahad ko sito to nanaman a micekiw, padadotoc a macakat.
Nai satapangan i, patiriˈen no singsi ko sito to sasamaan paliˈayaw a misaday to lalakaw, pakalaloken cangra papihaen to demak. (mwb18.03-CH 6 fiedac) Pakalaloken cangra ˈayaw no mamicekiw cingra i, tolonen ko Kawas. Padangen cangra misaka dademak to sapicekiw a lalosidan. Tadtaden to icowaay ko jw.org a wangcan, ato sasamaan mikilim to safaelohay a lalakaw no JW Tilifi. Palidlid han padama cangra mananam miˈosi to Fangcalay Cudad to romiˈamiˈad, paliˈayaw a misaday to lalakaw no saˈopo, ano ira ko kafokilan mafanaˈ mikilim to sacaˈof. O roma i, padamaen cangra midotim a misimsim to mananamay a lalakaw.
NENGNENGEN KO IKA PADAMA TO PACEKIWAN MACAKAT . . . MANANAM MICEKIW, IKOR PACAˈOFEN KO ILAENOAY SALICAY:
Samaanay ci Iciyang padama ci Tannaan, micekiw to Fangcalay Cudad cowa ko nika pikilim aca to sapacaˈof?
O manan ko padamaay ci Tannaan, o matatodongay ko pikeceng ni Yihofa to maˈodangay demak?
Padamaen ko sito masaheci ko nika fanaˈ to mananamay, halo mafanaˈ a misaka dademak
Mahapinangayto ni Tanna ko tatodong no midotimay hananay han?