Padama to Sito Miliyas to Tatiihay a Widang

Sapilifokaw to kalawidang ci Yihofaan, o sito mamipiliˈ to ngaˈayay a widang. (ˈOlic 15:1, 4) O ngaˈayay a widang papadama cangranan matatodong ko pisaˈosi.—Taneng 13:20; lff-CH saka 48 fedengan.

Ano padama to sito miliyas o tatiihay a widang, patadoen cingra miharateng. Alatek misaˈicelay cangra mihawad to saˈayaway widang, mihaenay i, paihkalen ko mikifalocoˈay a kaciharateng to sito, cowa ko itini aca i pipacekiwan a tatokian, itini kalo a toki mihaen ko demak. Ngaˈayay parakaten ko Lai i cingranan, patingwaen, anca milisoˈ cangranan. Ano macakatto cangra, ngaˈayay tahidangen cangra macacawmaˈ to salikaka. Mihaen i, mamahapinang nangra, o malifokay no niyah ikakaay to malahdaway. (Marko 10:29, 30) Maˈaraw ko nika padadotoc a macowat ko paro no lomaˈ ni Yihofa, o tataˈangay ko lipahak no miso.

NENGNENGEN KO IKA PADAMA TO PACEKIWAN MACAKAT —MILIYAS TO TATIIHAY A WIDANG, IKOR PACAˈOFEN KO ILAENOAY SALICAY:

• O manan ko tatiihay a widang hananay?—1 Korinto 15:33

• Pakayni saˈopo no Krisciyang, mahapinangay ni Tanna ko maanan?

• Samaanay ko pipadama ni Iciyang ci Tannaan, miliyas to tatiihay cawmaˈ, misawidang to ngaˈayay?