O KAˈORIP NO KRISCIYANG
Saˈicelen a Mihapinang ko Harateng ni Yihofa
Ano mananto a demakan makalimay kita pakahemek ci Yihofaan. (ˈOlic 27:11) Soˈlin alatek cowa ka matilid no Fangcalay Cudad a demak, wa misinanot kita to harateng ni Yihofa, mitoor to harateng Ningra a citaneng a misaˈosi. Sasamaan ko demak hani?
Ira ko ngaˈayay miˈosiay a nanaman. Ano miˈosi kita to Fangcalay Cudad hato mitengilay to sowal ni Yihofa. Maˈaraw ita to sasamaan ni Yihofa ko finawlan Ningra a micada, ato makapahay ato tatiihay taˈarawan no Fangcalay Cudad. Wa mafanaˈto kita to harateng ni Yihofa. Ano mamisaˈosi kita, o Fangcalay Cudad wa padama kitanan pakaharateng to mananamay i Fangcalay Cudad a kalimlaan kimad ato safalod.—Yohani 14:26.
Mikilim to lalakaw. ˈAyaw no mamisaˈosi, sa harateratengenho: “Oniya demak wa samaan ko pinengneng ni Yihofa hani? O icowaay a sinael pakahapinang kitanan tonini hani?” Tolonen a micangacang to sapadama ni Yihofa, sakadademaken ko lalosidan no likakawa, mikilim to milingatay to safalod no Fangcalay Cudad, ato sasamaan a misakadademak.—ˈOlic 25:4.
NENGNENGEN KO IKA MIHADIDI KO FALOCOˈ MILAHECI A COMIKAY TO CACIKAYEN ITA—KOMAEN TO CIHALEDAY KAKAENEN, IKOR PACAˈOFEN KO ILAENOAY SALICAY:
I ikaay a kaemangay salikaka tahasiˈayaway to manan a saroero?
Ano masiˈayaw iso ko mahecaday a saroero, icowaay a lalosidan no likakawa wa padama tisowanan pakakilim to milingatay a lalakaw, halo citaneng a misaˈosi hani?
Misongilaˈ a miˈosi mikilim to lalakaw, papadama kitanan citaneng a misaˈosi, mihaen wa milifok kita to manan a epoc hani?—Hipray 5:13, 14