Wa Ngaˈay Patongalen Iso ko Lipahak no Paro no Lomaˈ

Maolahay ci Yihofa to rahker ko kihcod a paro no lomaˈ. (ˈOlic 127:3-5; Patnakay 9:9; 11:9) Kawra, o saroero noniya hekal, ato cowa ka lefot no mita, nolatekay pakarorayay kitanan. Kahacecay no paro no lomaˈ sasamaan ko demak ngaˈ ngaˈay palipahak ko paro no lomaˈ hani?

O faˈinay, kangodoen ko fafahi, ceriden kalacafay cingra. (1 Pitiro 3:7) Marorayay ko fafahi to tayal no lomaˈ, paihkalen no faˈinay ko piakoˈid cingranan, aka pikimkim to dangoc ningra. (Kolosay 3:15) Ceriden no faˈinay a pakahemek ko fafahi, paihkalen ko olah cingranan.—Taneng 31:28, 31.

Saˈicelen no fafahi midama midoedo ko faˈinay, patoor to misaˈosi no faˈinay. (Taneng 31:12; Kolosay 3:18) Ano masasowal to faˈinay, anca malalengo to tao to faˈinay i, paihkalen ko sidaˈitay.—Taneng 31:26.

Ceriden no wama wina kalacafay ko wawa, paihkal to olah cangranan. (Limoˈot 6:6, 7; Matay 3:17) Ano mirikec to wawa i, pairaen ko olah, tano Kimad no Kawas pakafanaˈ cangranan, hapinangen ko nafalocoˈan a harateng nangra.—Ifiso 6:4.

O wawa, kangodoen ko wama wina, mitengil to sowal nangra. (Taneng 23:22) Fanaˈen ko wama wina to harateng no niyah a micada to sarikec no wama wina.—Taneng 19:20.

NENGNENGEN KO IKA SAMAAN MIKITINI KAˈORIP NO PARO NO LOMAˈ MILIFOK TO LIPAHAK, IKOR PACAˈOFEN KO ILAENOAY SALICAY:

Sasamaan kita palipahak ko paro no lomaˈ no niyah?