Sapaini A Pakayraan Micekiw

Limasmasen ko Kadadoedo no Demak

O ngaˈayay sakadademaken no kahacecay tamdaw a toki micekiw iraay ko tolas, mansa mamisongilaˈ kita misaka dademak to toki. Sasamaan ko pidemak hani? Salakat naˈonen misongilaˈ miˈosi. Misongilaˈ miˈosi to miming ikakaay ko epoc to macalohay a miˈosi to adihayay.

Dotoc, limasmasen ko kadadoedo no cacekiwen. (Ifiso 5:15, 16) Nengnengen ko laenoay pina sapaini:

• To romiˈamiˈad miˈosi to Fangcalay Cudad. (ˈOlic 1:2) Salakat tooren ko aˈosien a sinael no Mitosilay ato Nikaˈorip Rayray no Saˈopo a midemak.

• Songilaˈen misaday ko Cacekiwen a Mikecolay ato lalakaw no Mitosilay ato Nikaˈorip Rayray no Saˈopo, misaday to sapacaˈof.—ˈOlic 22:22.

• Ano iraho ko toki, ngaˈayay micekiw to roma sapahaled to pakasoˈlinay falocoˈ a kakaenen, tinakoen o safaelohay a sakiˈalomanay a casi, ika, ato jw.org wangcan a lalakaw.

• Piliˈen ko cecay lalangian, calepen micekiw. O lalangian ngaˈayay o masiˈayaway iso a cecay pasangaray, o cecay kacisasaan iso, anca sapicalepaw kiso cipinang to cecay lalakaw no Fangcalay Cudad. Ngaˈayay nengnengen i jw.org wangcan “Miˈosi to Fangcalay Cudad a Miharateng” sanay a lalakaw.