Lomalen ko Kalimlaan

Na matawalay iso ko miˈosian isawni a lalakaw han? Nolatekay mahaenay kita. Iraay ko hapakayraan a misalof han? Oha lalomalen ko kalimlaan.

Ano misongilaˈ mikingkiw i, paterep a misaharaterateng to o manan ko kalimlaan. Tinakoen, tarokos ci Pawlo sapatalipaˈelalaw to miˈosiay to tikami ningra a tamdaw mihaen to demak, sanay ko tikami: ‘Ora milengoan a masakalimlaan i.’ (Hipray 8:1) Ano mihaen i, wa mafanaˈ cangra to harateng ni Pawlo, cipinang to kalaliting no kahacecay kalimlaan ato lalangian.

Salakaten iso milimasmas ko toki, alatek ˈayaw no pihererek to pikingkiw, pairaen ko moetep ehon a tatokian misaharaterateng to kalimlaan no maˈosiay isawni. Ano cowa pakaharateng kiso i, tikolen a minengneng ko dama lalangian anca i kahacecay a fatac saˈayaway a sowal a mipalal to harateng no niyah. Ano mananamay iso ko faelohay a kalimlaan, tanamen tano niyah a sasowalen a mitadtad. Milomal to kalimlaan wa padama kitanan ho caka mawalawal, ho ihkal mahapinang iso samaan misakadademak to mananamay i nokaˈorip.