SAKA 2 FEDENGAN

Mahecad o Masasowalay

2 Korinto 2:17

KALIMLAAN: Nai falocoˈay mihadak to harateng iso, paihkal to ciharatengay kiso to mitengilay.

Mitolon ato sangaˈayen a misaday. Cangacangen ko Kawas padama tisowanan misinanot to hasowal. O nai falocoˈay ko hasowal, hamaan hacecacecayen a miˈosi ko tilid.

ˈAyaw mamiˈosi to sinael ato lalakaw i, sadayenho ngaˈ, malaymay ko piˈosi. Kifalocoˈen ko sowal, kawra aka pakinalien.
Nai falocoˈay. Haratengen onini a lihaf hano kalimlaan no mitengilay tamdaw, mihaen i, o kawing ato pising iso papaihkal to nai falocoˈay ko sowal iso, mamakahito mitengil cangra to sowal iso.

Mahecad o masasowalay sai, kasimaan sa ko waywayan cowa ka saan. Ihkalen ko sowal, aka sasifod sa ko sowal, mihaen i, mamisarocod a mitengil ko tao to sowal iso.
Nengnengen ko mitengilay. Ceriden minengneng ko pising no tamdaw. Ano mikimad i, hamaan pamotek sa minengneng to cecay tamdaw, safalifalicen ko minengnengan.