Pinengnengan to Lalakaw no Mitosilay ato Nikaˈorip Rayray no Saˈopo
SAKA 12 FOLAD 7-13
O ODOˈ KO KIMAD NO KAWAS | LIFI 10-11
“O olah ita ci Yihofaan ikakaay to paro no lomaˈ”
(Lifi 10:1, 2) Ikor, faˈinayan wawa ni Aron ci Natap aci Apihu, alaen nangra ko paexiwan nangra a milikat to namal a paexiw, misafelit a pacakat to exiw ci Yihofaan. Midemak to caay palimoˈotan no Kawas a demak. 2 Oraanto ira ko namal nai ci Yihofaan a matefad, a mitodoh cangranan, mapatayto cangra i kaˈayaw ni Yihofa.
it-2 441 fiedac
Pacefaay a Pacakat to Exiw
Itini i Lifi 10:1, ono Hipray sowal zar hananay, tatodong i, “pacefaay a pacakat to exiw” o sanay. Wawa ni Aron ci Natap aci Apihu pacefa saan itini i kaˈayaw ni Yihofa a pacakat to exiw, teloc matefaday ko namal nai Kawas a mipatay cangranan. (Lifi 10:2; Saˈosi 3:4; 26:61) Ikorto i, pasowalan ni Yihofa ci Aron: “Kiso ato wawa iso ano micomod i fangcalay kopang i, aka komaen to maamaan a epah, ho eca ka patay. O dadoedoen no teloc namo konini a rikec a tahadaˈoc. Mihaen i, hongaˈay a pakahapinang kamo to fangcalay dafong ato no hekalan a dafong, makoracay ato kaacekan a demak. O papasifanaˈen namo ko Israil a tamdaw to nano sowal ni Yihofa pakayni ci Mosian a rikec a maemin.” (Lifi 10:8-11) Itini toni a sinael, malasangay no epah ci Natap aci Apihu sanay, satimolo sa, pacefa a pacakat to exiw. Ora “pacefaay” sanay mitoroan alatek ora tatokian, kitiraan anca pakayraan nao mararaway, alatek ora mipacakatan a exiw cowa pidoedo to Kasadakan 30:34, 35 a misangaˈ tora exiw. Tona malasangay no epah cangra a mararaw ko demak, o papatayen cangra.
(Lifi 10:4, 5) Tahidangen ni Mosi ci Misail aci Ilcafan o faˈinayan a wawa ni Uciil o faki ni Aron. Pasowal han ni Mosi cangra: “Katayni kamo, liliden a pasadak nai fangcalay kopang ko mapatayay a tireng no sasalikakaen namo a patayra i paputal no kamaroˈan.” 5 Saka tayra sato kora tatosaay, kakoyen nangra koya cirikoˈayho to rikoˈ no saysi a mapatayay tireng talaputal no kamaroˈan, midoedo to sowal ni Mosi.
(Lifi 10:6, 7) Pasowalen ni Mosi ci Aron ato faˈinayan a wawa ningra ci Iliyacar aci Itamar: “Aka ferohen ko fukes namo, aka cinasen ko rikoˈ, ta eca ka mapatay kamo, halo eca ka maketer ko Kawas to polong a finawlan. Nikawrira, kamo o polong no finawlan no Israil i, mangaˈay a mararom kamo pakayni tora tano namalan a mipatayan ni Yihofa. 7 Aka piliyas kamo to fawahan no fangcalay kopang, ho eca ka patay kamo, tona iraay i tireng namo ko sapasimal ni Yihofa.” Saka doedo hanto nangra ko sowal ni Mosi.
w11 7/15 31 fiedac 16 fatac
Milifokay Kiso to Paselaˈan no Kawas Han?
16 Kaka ni Mosi ci Aron, tona mararaway ko tatosa a wawa misiˈayaway to pakidemay a sapalifet. Wawa ni Aron ci Natap aci Apihu pacefaay a pacakat to exiw i ci Yihofaan, teloc mipatayan ni Yihofa. Haratengen hena, maedeng masomaday ci Aron! Mapatay ko wawa, awato i tatihi cangra, kawra iraayho ko roma a sapalifet ci Aronan, pasowal ci Yihofa ci Aronan atoya madimadiay a wawa ningra: “Aka ferohen ko fukes namo, aka cinasen ko rikoˈ, ta eca ka mapatay kamo, halo eca ka maketer ko Kawas to polong a finawlan.” (Lifi 10:1-6) Ihekalay kora sowal ni Yihofa: Kakaolahen ita ci Yihofa ikaka ko nika olah to paro no lomaˈ.
Kadkaden ko Odoˈ no Sinael
(Lifi 10:8-11) Pasowalen ni Yihofa ci Aron: 9 “Kiso ato wawa iso ano micomod i fangcalay kopang i, aka komaen to maamaan a epah, ho eca ka patay. O dadoedoen no teloc namo konini a rikec a tahadaˈoc. 10 Mihaen i, hongaˈay a pakahapinang kamo to fangcalay dafong ato no hekalan a dafong, makoracay ato kaacekan a demak. 11 O papasifanaˈen namo ko Israil a tamdaw to nano sowal ni Yihofa pakayni ci Mosian a rikec a maemin.”
w14 11/15 17 fiedac 18 fatac
Itini i Kihcod a Waywayan roceken ko Makoracay
18 Tona mamakorac kita, oha sasongilaˈen mihapinang ko tatodong no sinael, doedoen a midemak. Haratengen ko wawa ni Aron ci Natap aci Apihu. Malasangay no epah cangra alatek, hato “pacefaay pacakat to exiw”, teloc i, patayan no Kawas cangra. (Lifi 10:1, 2) Sinanoten koni, palimoˈotan no Kawas ci Aron. (ˈOsien ko Lifi 10:8-11.) Oraan a sowal no Kawas, ˈayaw no saˈopo cowa ko ngangaˈay komaen to epah ko Krisciyang sanay han? To sapacaˈofaw tonini, sinanoten kora ilaenoay a kalimlaan. Sowal no Fangcalay Cudad o pihererekan no Rikec ci Kristo sanay, mansa o Krisciyang cowa ko mamidoedo to Rikec ni Mosi. (Loma 10:4) Itini i romaroma kitakit, ano kamaen ko salikaka i, komaenay to miming a epah, ikor masaˈopoay. Itini i Pitaˈlifan a Lisin, o nanaman no Yutaya tamdaw sepatay a takid ko mikaenan a epah. Itini piharatengan to patay ni Yis a saˈopo, komaenay ci Yis ato tarokos to epah, ora epah mitaypiyaway to remes ni Yis. (Matay 26:27) Nikawria mirikecay to malasangay ato haliepahay ko Fangcalay Cudad. (1 Korinto 6:10; 1 Timoti 3:8) ˈAlomanay Krisciyang o makapahay a falocoˈ no niyah ko misaˈosiay, mirienang to masamaamaanay tayal no Kawas i, cowa pitefing to epah. Kawra cowa ka lecalecad ko nanaman no kahacecay a kitakit. Ora kalimlaan i, o Krisciyang a tamdaw “mamafanaˈ pafafidaˈ to fangcalay demak ato nohekalan a demak,” paira to makoracay a waywayan a pahemek to falocoˈ no Kawas.
(Lifi 11:8) Aka ka komaen kamo to titi nonini a ˈaˈadopen, aka pitefing to mapatayay a tireng nira, o kaacekan a ˈaˈadopen konini.
it-1 372 fiedac 3 fatac
ˈAˈadopen
Lifi 11:8, sanay ko sowal: “O kaacekan a ˈaˈadopen konini.” Mitoroan a pasowal itini o Israil tamdaw, oyanan mafaloday no Rikec ni Mosi a tamdaw, ngaˈ mamidoedo tora mikecengan a kakaenen. Tona kinafalahay to ˈorip ci Yis Kristo, pacakat to sapatefoc, palakisaw to Rikec. Ikor no lenlen, ci Yihofa pakayniay ci Nowaan a palimoˈot to polong no tamdamdaw, ngangaˈay cangra mipiliˈ to kahirahira ˈaˈadopen a kamaen.—Kolosay 2:13-17; Satapangan 9:3, 4.
Miˈosi to Sinael
(Lifi 10:1-15) Ikor, faˈinayan wawa ni Aron ci Natap aci Apihu, alaen nangra ko paexiwan nangra a milikat to namal a paexiw, pacefaay a pacakat to exiw ci Yihofaan. Midemak to caay palimoˈotan no Kawas a demak. 2 Oraanto ira ko namal nai ci Yihofaan a matefad, a mitodoh cangranan, mapatayto cangra i kaˈayaw ni Yihofa. 3 Sowal sa ci Mosi ci Aronan: “Pasowalay ci Yihofa: ‘O aitini Kako i mingataay Takowanan a tamdaw patahkal to nika fangcal Ako, o aitini i kaˈayaw no polong tamdaw a mapaˈdil Kako.’” Hato, terep sato ci Aron. 4 Tahidangen ni Mosi ci Misail aci Ilcafan o faˈinayan a wawa ni Uciil o faki ni Aron. Pasowal han ni Mosi cangra: “Katayni kamo, liliden a pasadak nai fangcalay kopang ko mapatayay a tireng no sasalikakaen namo a patayra i paputal no kamaroˈan.” 5 Saka tayra sato kora tatosaay, kakoyen nangra koya cirikoˈayho to rikoˈ no saysi a mapatayay tireng talaputal no kamaroˈan, midoedo to sowal ni Mosi. 6 Pasowalen ni Mosi ci Aron ato faˈinayan a wawa ningra ci Iliyacar aci Itamar: “Aka ferohen ko fukes namo, aka cinasen ko rikoˈ, ta eca ka mapatay kamo, halo eca ka maketer ko Kawas to polong a finawlan. Nikawrira, kamo o polong no finawlan no Israil i, mangaˈay a mararom kamo pakayni tora tano namalan a mipatayan ni Yihofa. 7 Aka piliyas kamo to fawahan no fangcalay kopang, ho eca ka patay kamo, tona iraay i tireng namo ko sapasimal ni Yihofa.” Saka doedo hanto nangra ko sowal ni Mosi. 8 Pasowalen ni Yihofa ci Aron: 9 “Kiso ato wawa iso ano micomod i fangcalay kopang i, aka komaen to maamaan a epah, ho eca ka patay. O dadoedoen no teloc namo konini a rikec a tahadaˈoc. 10 Mihaen i, hongaˈay a pakahapinang kamo to fangcalay dafong ato no hekalan a dafong, makoracay ato kaacekan a demak. 11 O papasifanaˈen namo ko Israil a tamdaw to nano sowal ni Yihofa pakayni ci Mosian a sarikec a maemin.” 12 Pasowalen ni Mosi ci Aron ato ˈosaw a tatosa a faˈinayan a wawa ningra ci Iliyacar aci Itamaran: “Alaen namo ko ˈosaw a mitodoh a sapatoˈaya a emi a misangaˈ to caay ka citamod a epang, kaitira i tatihi no pipatoˈayaan a komaen, samanen o fangcalay a sapatoˈaya konini. 13 Kaitira kamo i fangcalay a kaitiraan a komaen. Samanen o nipacakatan ci Yihofaan a mitodohan a sapatoˈaya, o cecay no lalayapen namo ato teloc namo konini. O macadaay ako a sapalimoˈot konini. 14 Mangaˈay a komaen kamo ato paro no lomaˈ itini i makoracay a kaitiraan to titi no falohang ato mipacidekan a cepiˈ. Samanen o nipacakatan no Israil a sakarihaday a sapatoˈaya i, o lalayapen iso ato wawa iso konini. 15 Ora mipacidekan nangra a sapatoˈaya a cepiˈ ato titi no falohang, pahawikiden to tatodohen a simal, itini i kaˈayaw ni Yihofa malo miwingawingan a sapatoˈaya. O saparocek kisowanan ato teloteloc iso tahadaˈoc konini, matira sapalimoˈot ni Yihofa.
SAKA 12 FOLAD 14-20 ROMIˈAD
O ODOˈ KO KIMAD NO KAWAS | LIFI 12-13
“Pakayni no Malonoˈay a Adada a Rikec, o Manan ko Mananamay no Miso?”
(Lifi 13:4, 5) Ano kohcahcal ko dokaˈ noya tamdaw, ano caay ka i kemod no fanges ko dokaˈ, ano caay ka kohcal ko fanoh no dokaˈ ningra i, o papaliyasen no saysi cingra a miimeng to pito a romiˈad. 5 Saka pito a romiˈad liyawen haca no saysi a mitiriˈ. Ano caay ka ngalef koya dokaˈ, ano caay pidapdap i, imengenho to pito a romiˈad.
wp18.1 7 fiedac
Kinaˈayaway a Pasifanaˈ
• Paliyasen a miimeng ko malonoˈay ko tireng a tamdaw.
O saˈosi no Rikec ni Mosi i, o ciadadaay to malonoˈay ko tireng a tamdaw o papaliyasen a miimeng. I saka 5 hahekalan tangsa i 15 hahekalan, ya matenak ko lifong ngaˈ, satapang sanayho ko ising a kalasaka dademak to Rikec ni Mosi, midipot to ˈalomanay tamdaw.—Lifi, saka 13 ato 14 fedengan.
(Lifi 13:45, 46) O ciadadaay to malonoˈay ko tireng a adada i, o cacinasen ningra ko rikoˈ ningra a miferoh ko fukes a mitafo to kalaeno no pising a milekal: “Kaacekan, kaacekan!” O sasaan cingra. 46 Iˈayaw no nika adah no lonoˈ a adada ningra i, o caay ka korac cingra, o aitira cingra i paputal no kamaroˈan nangra a micidek to tao a maroˈ.
wp16.4 9 fiedac 1 fatac
Mafanaˈay Kiso Han?
Nolitengan a Yutaya tamdaw matalaway to malonoˈay ko tireng a adada. Tada katalawan ko matiniay a adada, milonoˈay to fanges, midaˈocay ko pidokaˈ to tireng no tamdaw. Itiya, awaay ko sapiadah a sapaiyo. Mankora, o papaliyasen cingra a micidek to tao a maroˈ. Ano mingata cangra to tao i, o mamilekal cingra to nika o malonoˈay ko adada ningra.—Lifi 13:45, 46.
(Lifi 13:52) O rikoˈ, nitenooyan to fanoh no siri, mikawitan to keliw a maamaan anoca o nisangaˈan to ˈpi a maamaan, ano citafongaw i, o tatodohen, samanen o mamidenga ko matiniay, tano namalen a mitodoh.
(Lifi 13:57) Nikawrira, ano o rikoˈ, nitenooyan a maamaan anoca nisangaˈan a ˈpi a maamaan ano miliyaw a malengaw, midapdap ko tafongaw i, tano namalen a mitodoh.
it-1 1019 fiedac 11 fatac
Tafongaw
O rikoˈ ato lomaˈ ano masadak ko tafongaw. O tafongaw papakadit to rikoˈ, nitenooyan a rikoˈ ato nisangaˈan to ˈpi a maamaan, ano facayento ko rikoˈ i, tangsol malahedaw ko tafongaw, pasiwatiken kora rikoˈ. Ano kangdawho anca kahngangho kora dafong i, o caayayho ka adah kora, o tatiihay a tafongaw, wa tano namalen a mitodoh kora dafong. (Lifi 13:47-59) Ano kangdaw anca kahngang ko patih no lomaˈ i, o aˈdefen no saysi kora lomaˈ to pito a romiˈad. Ano madapdap ko tafongaw, o aalaen kora fakeloh, halo mikiskis to ˈapol nora lomaˈ, falahen kora fakeloh atora ˈapol i paputal no niyaroˈ i kaacekan a pala. Ano miliyaw haca citafongaw ko lomaˈ i, o lalasilen no saysi to kaacekan kora lomaˈ, o tatastasen kora lomaˈ, o mitastasan a maamaan nora lomaˈ patayraen i paputal no niyaroˈ i kaacekan a pala. Makoracayto kora lomaˈ ano saan ko saysi, o mamidemak cingra to pikorac to lomaˈ a lisin.—Lifi 14:33-57.
Kadkaden ko Odoˈ no Sinael
(Lifi 12:2) “Pasowalen iso ko Israil tamdaw: ‘Ano mapuyapuy ko fafahiyan, mahofoc to faˈinayan wawa i, pito a romiˈad a caay ka korac cingra, malecad to kalalaˈan ningra a caay ko makoracay.
(Lifi 12:5) “‘Ano mahofoc to fafahiyan a wawa ko cipuyapuyay a fafahiyan i, nahofocen sepat ko safaw a romiˈad o caay ka korac cingra pakayni i lisin, malecad to kalalaˈan ningra a caay ko makoracay. O mamitala cingra to 66 a romiˈad tangasa i katerepan no remes ningra, ta o makoracay cingra.
w04 5/15 23 fiedac 2 fatac
Kalimlaan no Lifi a Cudad
12:2, 5—Ano mahofoc ko fafahiyan hano “caay ko makoracay” han cingra hani? Misangaˈ ko Kawas to mamahofoc to wawa ko tamdaw oha sapalenakaw to malefotay a teloc. Kawra, tona marocokay ita ko raraw, caayto ka lefot iraay ko raraw no ˈorip. Naikoran no kahofoc “caay ko makoracay” to cecay a liyad, matira o malalaˈay ato masadakay ko soloy, maharateng no Israil tamdaw to nika o ciraraway ko niyah. (Lifi 15:16-24; ˈOlic 51:5; Loma 5:12) Pakayni to makoracay a rikec, pasifanaˈay to Israil tamdaw, toha sapitahpoaw to raraw, patikol a malefot ko ˈorip, ira ko mamikinafalah to ˈorip a malo sapatefoc wangaˈ. Mihaenay haw i, o Rikec hananay i, mala misimaway to Israil tamdaw, mikerid cangranan tayra ci “Kristoan.”—Kalatiya 3:24.
(Lifi 12:3) Saka falo a romiˈad i, o kakeriten ko faˈinayan a wawa.
wp18.1 7 fiedac
Kinaˈayaway a Pasifanaˈ
• Pikeritan a romiˈad.
O Rikec no Kawas, mahofoc ko faˈinayan wawa to saka falo a romiˈad o kakeriten sanay. (Lifi 12:3) O pikingkiw no aniniay a ising, paihkalay o remes no hofoc hananayho wawa, itiniay ikor no cecay lipay ngaˈayayto a maˈalitad sanay. Nolitengan a lintad caayho ka macakat ko inaneng no ising, o pikeritan a romiˈad itiniay i ikor no cecay lipay tada o sadipot kora.
Miˈosi to Sinael
(Lifi 13:9-28) Ano ira ko ciadadaay to lonoˈ i, o kakeriden cingra a patayra i saysi. 10 O tatiriˈen no saysi cingra, ano kohcal ko dokaˈ i fanges ningra, ano kohcal ko fanoh ningra a cifenaˈ i, 11 o hahalafin a lonoˈ a dokaˈ konini. O kaacekan kiso wa han no saysi cingra, nikawrira, caay ko papaliyasen a imengen cingra, samanen mahapinangto ko nika o kaacekan cingra. 12 Ano miedef i fanges a midapdap i polong no tireng ningra ko lonoˈ a adada nai fongoh tangasa i waˈay i, 13 o laliyawen no saysi a mitiriˈ cingra, ano mahapinang ningra ko nika maedef no lonoˈ a adada ko polong no tireng ningra i, o makoracayto kiso pakayni i lisin wa han no saysi cingra, ano kohcal ko polong no fanges no tireng ningra i, o makoracayto cingra pakayni i lisin. 14 Nikawrira, ano mahapinang ko nika fodada no dokaˈ ningra i, naitiya ao kaacekan cingra. 15 Ano maˈaraw no saysi ko nika fodada ko dokaˈ ningra i, o kaacekan kiso wa han no saysi cingra. Onini a dokaˈ ko kacipinangan to nika o lonoˈ a adada koranan. 16 Ano maadahto koya dokaˈ a kohcal i, o tatayra cingra i saysi a patiriˈ. 17 O laliyawen haca no saysi a mtiriˈ cingra. Ano soˈlin a kohcalto koya dokaˈ i, o makoracayto cingra, saka o makoracayto kiso wa han no saysi cingra. 18 Ano ira ko mapocesay a tamdaw, maadahto, 19 nanoya malaliyaw a malifawa koya dokaˈ a kohcal a marahrah i, o tatayra cingra i saysi a patiriˈ. 20 Ta tiriˈen no saysi cingra. Ano i kemod no fanges ko dokaˈ a kohcal ko fanoh i dokaˈ i, o kaacekan kiso wa han no saysi cingra, o nano poces o mala lonoˈay a adada konini. 21 Ano tiriˈen no saysi cingra ano caay ka kohcal ko fanoh i dokaˈ, ano caay ka i kemod no fanges ko dokaˈ, ano o karahrah aca i, o papaliyasen no saysi cingra a miimeng to pito a romiˈad. 22 Ano midapdap koya dokaˈ i, o kaacekan kiso wa han no saysi cingra, mahapinang ko nika o lonoˈ a adada konini. 23 Nikawrira, ano caay ka ngalef konini a dokaˈ, ano caay ka pidapdap, ano nika safesi aca i, o makoracay kiso wa han no saysi cingra. 24 Ano ira ko matodohay a tamdaw, ano kohcal ko dokaˈ ano eca, marahrah koya dokaˈ i, 25 o tatiriˈen no saysi cingra, ano kohcal ko fanoh no dokaˈ, ano i kemod no fanges ko dokaˈ i, o lonoˈ a adada konini, nano katodohan mala lonoˈay a adada, saka o kaacekan kiso wa han no saysi cingra. 26 Ano caay ka kohcal ko fanoh i dokaˈ, ano caay ka i kemod no fanges ko dokaˈ, ano makecedayto i, o papaliyasen no saysi cingra a miimeng to pito a romiˈad. 27 Saka pito a romiˈad, o laliyawen haca no saysi a mitiriˈ cingra. Ano madapdap ko dokaˈ ningra i, o lonoˈ a adada konini, o caay ka korac kiso wa han no saysi cingra. 28 Ano caay ka ngalef ko dokaˈ a caay ka pidapdap, ano makecedayto i, caay ko lonoˈ a adada konini. O makoracayto kiso wa han no saysi cingra, samanen o narikoran aca no katodohan.
SAKA 12 FOLAD 21-27 ROMIˈAD
O ODOˈ KO KIMAD NO KAWAS | LIFI 14-15
“O Soˈlinay Pidoyongan Misaaliay to Makoracay”
(Lifi 15:13-15) “‘Namaadah ko malesaˈay ko laenoay no tireng a tamdaw i, mitalaho cingra to pito a romiˈad, ikor mifacaˈ to rikoˈ a mingingoy to nemnem a nanom, ta o makoracayto cingra. 14 Saka falo a romiˈad i, o mamiala cingra to tosa a topi no lomaˈ ano eca o topi no lotok a tayra i fawahan no fangcalay kopang, tayni i kaˈayaw ni Yihofa, pafelien ko saysi toya tosa a ˈayam. 15 O cecay nonini a ˈayam i, o papacakaten no saysi to malo sakahepol no raraw a sapatoˈaya, o cecay i, o papacakaten a misakimood a mitodoh a sapatoˈaya. O hahaenen no saysi ko demak i kaˈayaw ni Yihofa a mikorac tonini malesaˈay ko laenoay no tireng a tamdaw.
it-2 562-563 fiedac
Mingingoy
Tohatiniay, pakayniay i masakenakenaay a lalangian ko Israil a tamdaw midemak to mikoracay a lisin. O maadahayto a malonoˈay ko adada tamdaw, mitefingay to makamaay no “malesaˈay ko laenoay no tireng” a tamdaw, masadakay ko soloy a faˈinayan, malaˈalipay a faˈinayan fafahiyan, cowa ka “korac” o mamingingoy cangra. (Lifi 14:8, 9; 15:4-27) Ano iraay ko mapatayay i taloˈan a tamdaw, o ilalomaˈay no taloˈan a maamaan caayto ka korac, mitefingayho to mapatayay tireng a tamdaw caayto ka korac, o fafarasiˈen to nanom cingra. Ano maliyang ko tamdaw midoedo tonini saˈosi i, “o papatayen cingra, samanen pakaditay cingra to fangcalay kaitiraan ni Yihofa.” (Saˈosi 19:20) Mankora, mingingoy to tireng sato maan ko Fangcalay Cudad a patinako to mamakorac ko tamdaw i kaˈayaw ni Yihofa. (ˈOlic 26:6; 73:13; Isaya 1:16; Icikil 16:9) O kimad ni Yihofa mahecaday o nanom a mikorac to tamdaw.—Ifiso 5:26.
(Lifi 15:28-30) “‘Ano tomerepto ko remes ningra, o mamitalaho cingra to pito a romiˈad, ta o makoracayto cingra. 29 Saka falo a romiˈad, o mamiala cingra to tosa a topi no lomaˈ ano eca tosa a topi no lotok a tayra i fawahan no fangcalay kopang a pafeli to saysi. 30 O cecay nonini a ˈayam i, o papacakaten no saysi to malo sakahepol no raraw a sapatoˈaya, o cecay i, o papacakaten to malo sasakimooden a mitodoh a sapatoˈaya. O hahaenen no saysi ko demak i kaˈayaw ni Yihofa a mihepol to raraw no nika caay ka korac nonini maremesay a fafahiyan.
it-2 1096 fiedac 14 fatac
Malalaˈay
Caay ko kalalaˈan romiˈad no fafahiyan ano masadakho ko remes, anca “mataˈelifto ko kalalaˈan, maremesho cingra”, o caay ka makorac wa han cingra toya laliyadan, o kafotiˈan anca kamaroˈan ningra caayto ka korac, ano cima ko mitefingay tora dafong i, cowa ka korac cingra. ano caayto ka lesaˈ ko laenoay no fafahiyan i, saˈosien ko pito a romiˈad, ikor ngaˈ makorac cingra. Saka falo a romiˈad, o mamiala cingra to tosa a topi no lomaˈ ano eca tosa a topi no lotok a tayra i saysi a pafeli tora ˈayam, midemak ko saysi to sakahepol no raraw a lisin, o cecay ˈayam o sakahepol no raraw, o roma a cecay o sakimooden mitodoh a sapatoˈaya.—Lifi 15:19-30; nengnengen ko KORAC, MIKORACAY.
(Lifi 15:31) “‘Ka koracen namo ko Israil tamdaw, sakaecaaw ka mapaacek ko ilalomaˈay nangra a fangcalay kopang a mapatay.
it-2 213-214 fiedac
Fangcalay Kaitiraan
1. Fangcalay kopang ato ikoray a fangcalay sefi. Ora maemin a mipatirengan, mahawpay ko putal no fangcalay kopang ato putal no fangcalay sefi, sahtoay o fangcalay a kaitiraan. (Kasadakan 38:24; 2 Rayray 29:5) Iraay ko pipatoˈayaan ato pinanawan a fodawan i paputal, sahtoay o fangcalay a dafong. Ano hacowacowato, edengan oya makoracay i lisin a tamdaw ngaˈ ngaˈayay a micomod i putal no fangcalay kopang. Patinakoen, cowa ka korac a fafahiyan caay ka ngaˈay mikama to fangcalay a dafong, caay ka ngaˈay a micomod i fangcalay kaitiraan cingra. (Lifi 12:2-4) O Israil tamdaw ano caka pikorac to niyahan i, o mipakaditay to fangcalay kopang hananay a minengneng. (Lifi 15:31) O maadahayto a malonoˈay a tamdaw, ano tayni a pacakat to sakakorac a sapatoˈaya i, wa itira aca i fawahan no putal no fangcalay kopang. (Lifi 14:11) Caay ka korac a tamdaw caay ka ngaˈay komaen i fangcalay kopang anca fangcalay sefi to “titi no sakarihaday a sapatoˈaya”, o misafelitayho a tamdaw o papatayen cingra.—Lifi 7:20, 21.
Kadkaden ko Odoˈ no Sinael
(Lifi 14:14) “O aalaen no saysi ko remes noya sapatoˈaya a siri a misipasip i papah no kawanan a tangila no kakoracen a tamdaw ato salitataˈang no kawanan a kamay ato salitataˈang no kawanan a waˈay ningra.
(Lifi 14:17) Ta o aalaen ningra ko miming a simal i kapal ningra a misipasip i kawanan a papah no tangila no kakoracen a tamdaw ato salitataˈang no kawanan a kamay ato salitataˈang no kawanan a waˈay ningra, itira toya pisipasipan to remes no sakahepol no patelac a sapatoˈaya.
(Lifi 14:25) Ta pacoken ningra koya tofor a siri, alaen ningra ko miming a remes no sakahepol no patelac a sapatoˈay a misipasip to papah no kawanan a tangila ato salitataˈang no kawanan a kamay ato salitataˈang no kawanan a waˈay noya tamdaw.
(Lifi 14:28) Sipasipen ningra to simal ko papah no kawanan a tangila noya tamdaw ato salitataˈang no kawanan a kamay ato salitataˈang no kawanan a waˈay ningra, itira toya pisipasipan to remes no sakahepol no patelac a sapatoˈaya.
it-1 395 fiedac 7 fatac
Tangila
Itini i pipatirengan to saysi a lisinan, palimoˈotan ni Yihofa ci Mosi papipacok toya tofor a siri, alaen ningra ko remes misipasip to papah no kawanan a tangila ato salitataˈang no kawanan a kamay ato salitataˈang no kawanan a waˈay noya tamdaw, patahkalay konini tora mitamorongan nangra a tayal milingatay to kapitengil, kapidemak nangra. (Lifi 8:22-24) Malecaday, ano maadahto ko malonoˈay tamdaw i, o mamipacok ko saysi to sakahepol no patelac a tofor a lalifanohen a siri, alaen ko miming remes no siri ato simal, sipasipen i papah no kawanan a tangila nora mamikorac a tamdaw. (Lifi 14:14, 17, 25, 28) O kuli a tamdaw ano caay kakahi miliyas to tapang ningra, sakatayalaw to hakelong no ˈorip ningra i, o hahaenen ko demak, paihkal to makahiyay cingra midaˈoc a mitengil to sowal no tapang ningra.—Kasadakan 21:5, 6.
w14 11/15 9 fiedac 7 fatac
Itini i pipatirengan to masakapotay saysi no Israil a lisin i, o sasipasipen ni Mosi ko remes no okangan a lalifanohen a siri i papah no kawanan a tangila, ato salitataˈang no kawanan a kamay ato kawanan a waˈay nangra. (ˈOsien ko Lifi 8:22-24) Oniniya lisin mitaypiyaw to mamidofdof ko saysi to sapalimoˈot, misaˈicel a milaheci to ˈinorong. Pakayni toninian, oya sakakaay saysi ci Yis Kristo o mamiterek to malefetay a taˈarawan no mapasimalay nisawawaan ato roma a lopayˈay siri. Misongilaˈay a mitengil ko tangila ni Yis to sapalimoˈot no Kawas, milaheciay ko kamay ningra to tayal ni Yihofa, o waˈay ningra cowa ka piliyas to makoracay a lalan.—Yohani 4:31-34.
(Lifi 14:43-45) “Alaento ko fakeloh, kiskisento ko ˈapol, safaelohento a misadit, ano citafongaw haca koya lomaˈ i, 44 o tatayra ko saysi a mitiriˈ, ano madapdap ko tafongaw i, o kaacekan konini a lomaˈ. 45 O tatastasen koya lomaˈ, o fafalahen i paputal no niyaroˈ i kaacekan a pala koya fakeloh ato kilang ato ˈapol a maemin.
g 1/06 14 fiedac a sapatongal lalakaw
O Tafongaw—O Ngaˈayay Ha Tatiihay Ha
SOMOWALAY KO FANGCALAY CUDAD TO TAFONGAW HAN?
Somowalay ko Fangcalay Cudad to tafongaw no lomaˈ. (Lifi 14:34-48) Paihkalay ko rikec no Kawas, ano citafongaw ko lomaˈ i, o aalan no tawki no lomaˈ a mikorkor kora fakeloh, hanaca kiskisen ningra ko lalomaˈ no lomaˈ, alaen patayra i paputal no niyaroˈ i kaacekan a pala kora fakeloh atora mikiskisan a ˈapol. Ano miliyaw haca citafongaw ko lomaˈ i, o kaacekan han kora lomaˈ, o tatastasen ko lomaˈ, polong a maamaan nora lomaˈ falahen tayra i paputal no niyaroˈ i kaacekan a pala. Misaheciay ci Yihofa a palimoˈot, patahkalay to nika olah Ningra i cangranan, ciharateng to katanotok no tireng nangra.
Miˈosi to Sinael
(Lifi 14:1-18) Pasowal ci Yihofa ci Mosian: 2 “Ora ilaenoay i, o dadadoedoen a rikec to mamikorac to ciadadaay to malonoˈay a tamdaw. Patayraen cingra itira i saysi, 3 tatayra i putal no kamaroˈan a mitiriˈ, ano mahapinangto ko nika adahto no adada ningra, 4 to sakakoracaw ningra, papipataynien to tosa a makoracay a ˈayam ato cecay a fidengal a kilang ato cecay a kahngangay a keliw a walay ato cecay a caˈang no hisop. 5 Pasowalen no saysi ko tamdaw a papipacok to cecay noya a ˈayam i kafekang no matomesay to nemnem a nanom a kapowa. 6 Alaenho ningra ko roma a cecay ˈayam, ato fidengal a kilang ato kahngangay a keliw a walay ato hisop a micinoˈ i remes noya nipacokan a ˈayam. 7 Kinapito a mifarasiˈ i tireng noya kakoracen a adadaay a tamdaw, ta o makoracayto kiso wa han cingra. Ta palafacen koya maˈoripay a ˈayam i pala. 8 O fafacaˈen nonini a tamdaw ko rikoˈ ningra, o aˈisˈisen ningra a maemin ko fanoh ato fukes ningra a mingingoy, ta o makoracayto cingra. Mangaˈayto cingra a micomod i kamaroˈan nangra, nikawrira, o a ipaputalho no taloˈan ningra cingra a maroˈ to pito a romiˈad. 9 Ta saka pito a romiˈad, o aˈisˈisen ningra ko kalaw, fukes ato ngisngis ningra. Maharekto a miˈisˈis i, o mamifacaˈ to rikoˈ a mingingoy, ta o makoracayto cingra. 10 Saka falo a romiˈad, o papataynien ningra ko tosa a awaay ko samoˈ a tofor a okang a siri ato cecay a awaay ko samoˈ a tingdahan a siri, ato tolo a kongcin a nipacamolan to simal a aped no emi ato cecay no kalitolo no cecay a kitang a simal. 11 Ta keriden no saysi cingra ato nini a sapatoˈaya a maamaan a patayra i fawahan no fangcalay kopang, tayni i kaˈayaw ni Yihofa. 12 Ta pacakaten ko cecay a tofor a okang a siri ato cecay no kalitolo no cecay a kitang a simal malo sakahepol no patelac a sapatoˈaya, itini i kaˈayaw ni Yihofa a miwingawing malo miwatawat a sapatoˈaya. 13 O aitira cingra i fangcalay a kitiraan i pipacokan to sakahepol no raraw a sapatoˈaya ato sasakimooden a mitodoh a sapatoˈaya a mipacok tonini a tofor a siri. O hahaenen ningra ko demak, samanen o sakahepol no patelac a sapatoˈaya ato sakahepol no raraw a sapatoˈaya i, malecad ao mamalo no saysi a saparocek, o safangcalay konini. 14 O aalaen no saysi ko remes noya sapatoˈaya a siri a misipasip i papah no kawanan a tangila no kakoracen a tamdaw ato salitataˈang no kawanan a kamay ato salitataˈang no kawanan a waˈay ningra. 15 Ta taktaken no saysi i kawili a kapal ningra ko miming a simal. 16 Ta cinoˈen ningra ko kawanan a tarodoˈ ningra i simal a kinapito a mifarasiˈ i kaˈayaw ni Yihofa. 17 Ta o aalaen ningra ko miming a simal i kapal ningra a misipasip i kawanan a papah no tangila no kakoracen a tamdaw ato salitataˈang no kawanan a kamay ato salitataˈang no kawanan a waˈay ningra, itira toya pisipasipan to remes no sakahepol no patelac a sapatoˈaya. 18 Ta oya ˈosaw a simal i kapal ningra i, o tataktaken ningra i fongoh noya tamdaw. O hahaenen no saysi ko demak a mikorac toya tamdaw i kaˈayaw ni Yihofa.
SAKA 12 FOLAD 28 –1 FOLAD 3 ROMIˈAD
O ODOˈ KO KIMAD NO KAWAS | LIFI 16-17
“Pihepolan to Raraw a Romiˈad ato Kiso”
(Lifi 16:12) “Ta o aalaen ningra ko malikatay a ˈafel naitira toya pipatoˈayaan a parod ato tosa a kahot no aped a exiw a patayra i Safangcalay a Kaitiraan.
O Manan ko Mamananam Ita Nai Lifi a Cudad?
4 ˈOsien ko Lifi 16:12, 13. Haratengen hena koya pihepolan to raraw a romiˈad: Itiya kina toloay ko sakakaay saysi micomod i safangcalay kaitiraan. Sakina cecay i, o aalaen ningra ko matomesay to aped a paexiwan, roma a kamay tatoyen ko ciˈafelay a piyar. ˈAyaw no talalalomaˈ cingra i, telep saho, dotoc mikangodo cingra a micomod i safangcalay a kaitiraan, tayni i kaˈayaw no katatelekan a Lipa. Itiya i, hato misiˈayaway cingra a tomireng i kaˈayaw ni Yihofa! Oraanto, sanaˈonen ningra mitaktak ko aped i ˈafel, safangsisi wa sato ko lalomaˈ. To dotoc a kinatosa a micomod ko sakakaay saysi i fangcalay a kaitiraan i, itiyato cingra a pacakat to sakahepol no raraw a sapatoˈaya. Mahapinangay iso han? Ta pacakat ko sakakaay saysi to remes no sapatoˈaya i, isalakatay a milikat to exiw.
(Lifi 16:13) O aitini cingra i kaˈayaw ni Yihofa a milikat to exiw, mitahpo ko acefel no ˈafel to satahaf no Katatelekan a Lipa. Ta caay ka patay cingra.
O Manan ko Mamananam Ita Nai Lifi a Cudad?
5 Naitini toni pilikat to exiw i pihepolan to raraw a romiˈad mananamay ita ko manan hani? Sowal no Fangcalay Cudad, o satolon no madimadiay midoko ci Yihofaan a tamdaw mahecaday o exiw sanay. (ˈOlic 141:2; Paˈarawan 5:8) Masowalay i sawni, mikangodoay ko sakakaay a saysi, miala to exiw tayni i kaˈayaw ni Yihofa. Anini, ano mitolon kita ci Yihofaan i, mikangodo ko waywayen ita. Tada miakoˈiday kita to misangaˈay to dohaw a Tatapang papingata Cingranan, matira o wawa a mingata to wama. (Yakop 4:8) Tada miakoˈiday kita Cingranan misawidang kitanan. (ˈOlic 25:14) Aka a midemak kita to kasomadan Ningra a demak.
(Lifi 16:14, 15) “O tarodoˈ ningra ko sapifarasiˈ to remes noya okang a kolong i sakawali no fatiˈian noya satahaf. Ta kinapito cingra a mifarasiˈ i kaˈayaw noya Lipa. 15 “O papacoken ningra koya sakahepol no raraw no finawlan a siri. O aalaen ningra ko remes noya siri a patayra i Safangcalay a Kaitiraan. O sasamatiyaen ningra o remes no okang a kolong koya remes a mifarasiˈ i fafaed ato i kaˈayaw noya satahaf no Katatelekan a Lipa.
O Manan ko Mamananam Ita Nai Lifi a Cudad?
6 O sakakaay saysi ˈayaw no papacakat to sapatoˈaya i, isalakaten ningra milikat ko exiw, mihaen cingra o sapilifokaw to pihayda no Kawas. Maharatengay ita, tiya papacakat ci Yis to ˈorip ningra malo sapatefoc i, isalakatay midemak to pina kalimlaan a demak, oniniya demak mikikakaay ko nika masaka limlaan to pilidong to tamdaw. O manan a demak hani? Oha mamadimadi cingra to hakelong no ˈorip halo midofdof ci Yihofaan, mihaen cingra ngaˈ cadaen ni Yihofa kora pacakatan ningra a sapatefoc. Mihaen ci Yis to demak, o mamisawacay to nika pidofdof ci Yihofaan o sangaˈayay a noka ˈorip, hanaca mamisawacay to pikowan ni Yihofa o matatodongay.
Kadkaden ko Odoˈ no Sinael
(Lifi 16:10) Nikawrira, oya matamaay to saki Acacil a siri i, o papaˈoripen a patayra i kaˈayaw ni Yihofa to malo sakahepol no raraw no finawlan. Ta o kakeriden konini a patayra i kohkohan a palafac to malo no Acacil.
it-1 23 fiedac 1 fatac
Acacil
Tarokos ci Pawlo somowalay, mikinafalah ci Yis to malefotay a ˈorip mihepol to raraw no tamdaw, ora malaˈosiay ningra a demak, mikakaay to “remes no okang kolong ato siri.” (Hipray 10:4, 11, 12) Cingra i, o “mikotayay to raraw ita a siri”, ‘mitamorong to adada ita’, “o raraw ita ko sakadokaˈ ningra.” (Isaya 53:4, 5; Matay 8:17; 1 Pitiro 2:24) Pakayni to malaˈosiay demak to pikinafalah ni Yis to ˈorip, o paihkalay to nika pakasoˈlin a tamdaw, o raraw nangra “mahawikidayto.” Palaˈosiay ci Yis to limasmas no Kawas a mihepol to raraw no tamdaw, misawadan Ningra miharateng ko raraw no tamdaw. Mihaen i, oya “malo Acacil a siri” mitaypiyaway to pikinafalah ni Yis Kristo a mihepol to raraw no tamdaw.
(Lifi 17:10, 11) “‘Ano ira ko Israil a tamdaw ano eca o maroˈay i tamowanan a roma a finacadan komaen to remes i, o sasaˈadaen Ako cingra, mipatay cingranan. 11 Nawhani i remes ko ˈorip no maˈoripay. Pafelien Ako kamo to remes, toha sasaka dademaken namo i patoˈayaan sapihepol to raraw no niyah. O ˈorip ko remes, maedeng a mihepol to raraw.
w14 11/15 10 fiedac 10 fatac
Misamaanay Hano Mamakorac
10 ˈOsien ko Lifi 17:10. Palimoˈotay ci Yihofa to Israil tamdaw “maamaan a remes” aka komaen sanay. O Krisciyang oha mamikeceng to remes, ano o remes no tamdaw, anca remes no pinaˈorip. (Dmak 15:28, 29) Matalaway kita “maketer” ko Kawas kitanan, “mifalah” kitanan nai kasakopang. Nikawrira, o nika pidofdof ita to Kawas samanen maolahay i Cingranan. Soˈliˈlin tahalifa to pakidemay a pakayraan, tahasiˈayaw to sakapatayaw, cowa ko mamisafelit kita to sapalimoˈot no Kawas, cowa ko mamidofdof toya caay ka fanaˈ ci Yihofaan a tamdaw. Mikeceng kita to remes alatek samsamen no tao a matawa, kawra makahiyayho midofdof to Kawas. (Yuta 17, 18) Misamaanay hano misetek kita a eca ka komaen to remes, halo eca ka pacomod to remes hani?—Limoˈot 12:23.
Miˈosi to Sinael
(Lifi 16:1-17) Namapatay koya pacefaay a pacakat i kaˈayaw ni Yihofa a tatosa a wawa ni Aron i, ikor noniniya demak, pasowal ci Yihofa ci Mosian. 2 Somowal ci Yihofa ci Mosian: “Pasowalen ko kaka iso ci Aron, aka a pacefa a micomod i Safangcalay a Kaitiraan, tayni i kaˈayaw no Katatelekan a Lipa, ta eca ka patay cingra, samanen pakatoˈem Kako a mahicera itira i fafaed no satahaf noya Katatelekan a Lipa. 3 “Ano talaˈayaw ci Aron a micomod to Safangcalay a Kaitiraan i, iˈayawenho ningra ko nipipacakat to tofor a okang a kolong to sakahepol no raraw ato okang a lalifanohen a siri to tatodohen a misakimood a patoˈaya. 4 Papingingoyen cingra, ta cirikoˈ cingra to safangcalay a rikoˈ, ato mamokoˈay a kafer ato safaked ato tapodo. Ono saysi a caˈedong konini. 5 “O aalaen ningra nai finawlan ko tosa okang a siri to malo sakahepol no raraw nangra a sapacakat. O cecay a okang a lalifanohen a siri to malo tatodohen ningra a misakimood a patoˈaya. 6 “Aalaen ni Aron koya malo sakahepol no raraw a sapatoˈaya, mihepol to raraw ningra ato paro no lomaˈ. 7 Ta o aalaen ningra koya tosaay a siri a patayra i fawahan no fangcalay kopang, tomireng i kaˈayaw ni Yihofa. 8 O raritosen ningra koya tosa a siri. O cecay i, o saki Yihofa, o cecay i, o saki Acacil. 9 Oya niritosan to saki Yihofa a cecay a siri i, o papatoˈayaen ni Aron to sakahepol no raraw. 10 Nikawrira, oya matamaay to saki Acacil a siri i, o papaˈoripen a patayra i kaˈayaw ni Yihofa to malo sakahepol no raraw no finawlan. Ta o kakeriden konini a patayra i kohkohan a palafac to malo no Acacil. 11 “Ano pacakaten ni Aron koya okang a kolong to sakahepol no raraw ningra ato raraw no paro no lomaˈ ningra i, o papacoken ningra konini a mipatoˈaya. 12 “Ta o aalaen ningra ko malikatay a ˈafel naitira toya pipatoˈayaan a parod ato tosa a kahot no aped a exiw a patayra i Safangcalay a Kaitiraan. 13 O aitini cingra i kaˈayaw ni Yihofa a milikat to exiw, mitahepo ko acefel no ˈafel to satahaf no Katatelekan a Lipa. Ta caay ka patay cingra. 14 “O tarodoˈ ningra ko sapifarasiˈ to remes noya okang a kolong i sakawali no fatiˈian noya satahaf. Ta kinapito cingra a mifarasiˈ i kaˈayaw noya Lipa. 15 “O papacoken ningra koya sakahepol no raraw no finawlan a siri. O aalaen ningra ko remes noya siri a patayra i Safangcalay a Kaitiraan. O sasamatiyaen ningra o remes no okang a kolong koya remes a mifarasiˈ i fafaed ato i kaˈayaw noya satahaf no Katatelekan a Lipa. 16 “O sakapihaen ningra a misalisin a mikorac to Safangcalay a Kaitiraan, samanen cowa ka korac ko waywayan no Israil, hanca patelacay a ciraraw cangra. O mamikorac cingra to fangcalay kopang, samanen itiniay i lalomaˈ no caay ka korac a Israil kora fangcalay kopang. 17 “Namicomod ci Aron i Safangcalay a Kaitiraan a misalisin to sakakorac tangasa i nika sadak ningra i, caay ka ngaˈay a ira ko tamdaw itira toya fangcalay kopang. O mamisalisin cingra to sakahepol no raraw ningra ato sakahepol no raraw no paro no lomaˈ ningra ato sakahepol no raraw no finawlan.