Itini lalan no mamicada to paputisem icowaayho kiso?
O KAˈORIP NO KRISCIYANG
Hodopen ci Yihofa
O caayho mipaputisem mitosilay a kapah, anca mikinkiwayho kiso han? Iraay ko patosokan iso a micada to paputisem han? Hano micada to paputisem kiso? Samanen patafangay to tireng ato paputisem, o saka ngaˈay makakedec ci Yihofaan a saˈayaway a hahawangen, o sakalidongaw no ˈorip a hapakayraan. (ˈOlic 91:1; 1 Pitiro 3:21) Samaanen iso ko pakayraan ngaˈ citatodong a micada to paputisem.
O papakasoˈlinen iso ko mananamay a kimad, ano talotatodho ko falocoˈ i, kapidotim to soˈlinay a sapacaˈof. (Loma 12:2) Ano iraay ko fafalicen a demak i, salofen, mihaen i, o sapakahemekaw ci Yihofaan. (Taneng 27:11; Ifiso 4:23, 24) Kararid mitolon, mingitangit to sadama ni Yihofa, pakasoˈlinenho Cingra papafeli to fangcalay saocor ato papatanoktok tisowanan. (1 Pitiro 5:10, 11) Kihcod a midemakan iso, o ciepocay, samanen mihodop ci Yihofaan o safangcalay noka ˈorip!—ˈOlic 16:11.
Nengnengen ko Ika O Lalan no Mamicada to Paputisem, Ikor Pacaˈofen ko Ilaenoay Salicay:
O maanan a saconged ko raremoen no mamicada to paputisem a tamdaw?
Sapipatafangaw to tireng ci Yihofaan, samaanen iso paˈicel ko pakasoˈlinay falocoˈ?
Sapicadaaw to paputisem, o roma tamdaw na pakalalokan a misamaan to demak hani?
O manan ko macadaay a sapalemed no midokoay ci Yihofaan a tamdaw?
O manan ko tatodong no patafangay to tireng ato paputisem?