O KAˈORIP NO KRISCIYANG
Ano Masamsam no Tao i, Tiˈeren ci Yihofa
Ano masamsam no tao i, madokaˈay ko falocoˈ, ano misafelitay to pihakelongan no mita ko misamsamay, alatek mapalakay ko kalalaˈed ita aci Yihofa. Ano masamsam no tao i, sasamaan kiso mitafo to niyah hani?
Midokoay ci Yihofaan a tamdaw misarocoday mitiˈer Cingranan, mansa pakaremo toniya pasangar. (ˈOlic 18:17) Mahecad ci Istiran timoloay a mitihedakan ko mariˈangay nihalakaan ni Haman. (Icra 7:1-6) Mitiˈeran ningra ci Yihofa, ˈayaw no mamilitemoh cingra to hongti, miliwayay a mitolon. (Icra 4:14-16) Pacaˈofan ni Yihofa a midipot cingra ato ngasaw ningra.
Ano masamsam kiso i, cangacangen ko sadama ni Yihofa. Roma i, licayen ko matenesay a tamdaw, anca wama wina, pasowalen to masiˈayaway iso a pasangar. Padamaan ni Yihofa ci Istir, wa padamaen kiso. Mihaen i, sasamaan ko demak iso hani?
NENGNENGEN KO IKA KAEMANGHO KAKO—ANO MASAMSAM NO TAO I, SASAMAAN HANI? IKOR PACAˈOFEN KO ILAENOAY SALICAY:
Mikitini i nalifetan ni Cali aci Feiling, mamananam ko kaemangay to manan hani?
Malo wama winaay a Krisciyang, ano sapipadamaaw to masamsamay no tao a wawa, mikitini nalifetan nangra, mananamayho iso ko manan hani?