SAKA 59 FEDENGAN
Wa Pakaremo Kiso to Saroero
O cecacecay Krisciyang alatek tahacada to misafelitay ato saroero. Maharateng koni i, matalaway kita a calemcem han?
1. O tatahalifa aca kita to saroero, hano mahaen ko sowal hani?
Ihkalay ko sowal no Fangcalay Cudad: ‘Polong sapihakelongaw ci Yis Kristoan madimadiay maˈorip a tamdaw, wa tahacada to saroero.’ (2 Timoti 3:12) Cowa koni Satan a hekal ci Yis, mansa tahalifaay to saroero; cowa koni Satan a hekal kita, mansa tatahalifa to saroero no sifo ato kalo a pidoyongan, cowa ko kafahkaˈan a demak konini.—Yohani 15:18, 19.
2. Sasamaan paliˈayaw misaday misiˈayaw to saroero?
Nohatiniho paˈicelen ko pakasoˈlinay falocoˈ ita ci Yihofaan. To romiˈamiˈad pairaen ko toki a mitolon Cingranan, miˈosi to kimad Ningra i Fangcalay Cudad, micerid mirienang to saˈopo no kasakopang. Ano mihaen i, wa matomes ko ˈicel iso timolo misiˈayaw to masakenakenaay a sacoli, ano paro no lomaˈ ko micoliay, cowa ko mamatalaw kiso. Maceriday tahalifa to sacoli no tao ko tarokos ci Pawlo, sanay cingra: ‘Iraay ci Yihofa padama takowanan, cowa ko mamatalaw kako.’—Hipray 13:6.
Micerid mitosil wa pahatatanam tisowanan mitiˈer ci Yihofaan, eca ka ciˈangi to tamdaw. (Taneng 29:25) Nohatiniho kiso timolo a mitosil, papahatatanam to timolo no niyah, wa matongal ko timolo iso. Soˈlin noikor makeceng no sifo ko mitosilay a demak, cowa ko mamisawad kiso.—1 Tisalonika 2:2.
3. Miemem to saroero hano ciepoc kitaanan hani?
Cowa ka olah kita tahalifa to saroero, kawra miemem to saroero pahatatanamay paˈicel patanoktok to pakasoˈlinay falocoˈ ita. Ano cowato ka tomeseng kita i, ma malifet ko sapadama ni Yihofa, patanektek to kalalaˈed ita Cingraanan. (ˈOsien ko Yakop 1:2-4.) Ano maˈaraw ni Yihofa kita tahalifa to saroero wa mararom masomad Cingra, kawra ano kamayan kita miemem mihadidi i, wa mahemek Cingra. O sowal no Fangcalay Cudad: ‘Ano mihadidi kita to pades, o pakayniay i makapahay a demak, o kaolahan no Kawas a minengneng konini.’ (1 Pitiro 2:20) Ano madimadi kita ci Yihofaan tahatolas i, wa palifonen Ningra kita, itini i faelohay hekal tahadaˈoc maˈorip kita. Itiyato i, awato ko micoliay to matatodongay pidoko a tamdaw.—Matay 24:13.
CALEPEN MIKADKAD
Dotoc mamananam iso: Hano papakaremo kiso mihadidi to saroero, madimadi ci Yihofaan hani? Hano pakasoˈlin to paplifonen ni Yihofa kiso hani?
4. Papakaremo kiso mihadidi to nai lomaˈay a sacoli
Masowalay ni Yis ko mamafekad a pakayraan, o paro no lomaˈ ita, cowa ka olah kitaanan midoko ci Yihofaan. ˈOsien ko Matay 10:34-36, ikor lengoen ko ilaenoay a salicay:
Ano misaˈosi ko cecay a tamdaw midoko ci Yihofaan, alatek wa samaan ko pinengneng no paro no lomaˈ ningra hani?
Nengnengen ko cecay a nalifetan, nengnengen ko IKA, ikor lengoen ko ilaenoay a salicay:
Ano colien no widang ato paro no lomaˈ kiso midoko ci Yihofaan, samaanto kiso?
ˈOsien ko ˈOlic 27:10 ato Marko 10:29, 30. Maherek miˈosi to kahacecay a sinael, ikor lengoen ko ilaenoay a salicay:
Toniya mikiˈokan no Fangcalay Cudad, sasamaan padama tisowanan misiˈayaw to sacoli no widang ato paro no lomaˈ?
5. Itini i saroero padadotocen midoko ci Yihofa
Ano miconged ko tao kitaanan midoko ci Yihofaan, pairaen ita ko timolo ngaˈ ngaˈay padadotoc a tanoktok. Nengnengen ko IKA, ikor lengoen ko ilaenoay a salicay:
O nalifetan no ika, samaan paˈicel to pakasoˈlinay falocoˈ iso, ho matongal ko timolo miremo to sapalifet hani?
ˈOsien ko Dmak 5:27-29 ato Hipray 10:24, 25. Maherek miˈosi to kahacecay a sinael, ikor lengoen ko ilaenoay a salicay:
Soˈlin makeceng no sifo kita mitosil ato saˈopo i, cowa ko mamisawad to midokoay to Kawas a demak kita, misamaanay hani?
6. Wa papadama ci Yihofa tisowanan a mihadidi
Kasasiroma a mihecaan lalengawan no Misawacayay Tamdaw ni Yihofa, tahalifaayto to saroero, kawra kamayan cangra madimadi midoko ci Yihofaan. O manan ko padamaay cangranan pakaremo hani? Nengnengen ko IKA, ikor lengoen ko ilaenoay a salicay:
Misawacayay Tamdaw ni Yihofa hano pakaremo mihadidi to saroero hani?
ˈOsien ko Loma 8:35, 37-39 ato Filipi 4:13. Maherek miˈosi to kahacecay a sinael, ikor lengoen ko ilaenoay a salicay:
Mikitini toniya sinael hano pakasoˈlinen to ngaˈ ngaˈay pakaremo ko niyah to masakenakenaay a sapalifet hani?
ˈOsien ko Matay 5:10-12, ikor lengoen ko ilaenoay a salicay:
Tahalifa kiso to saroero i, hano ngaˈay padadotoc a lipahak hani?
ˈAlomanay midokoay ci Yihofaan a tamdaw pakaremoay to saroero a mihadidi, wa pakafilo kiso!
ANO IRA KO SOMOWALAY: “Alatek cowa ka tomeseng kako to saroero,” sanay.
O manan a sinael wa ngaˈay paˈicel to pakasoˈlinay falocoˈ ningra?
KALIMLAAN
Itini saroero i, misaˈicel kita midoko ci Yihofaan, wa mahemek Cingra. Ira ci Yihofa padama, wa pakahadidi kita to sapalifet!
Lomalen
O tatahalifa aca ko Krisciyang to saroero, hano cowa ko kafahkaˈan a demak konini hani?
Sapisiˈayawaw to saroero noikor, nohatini sasamaan a misaday kiso hani?
Hano ngaˈay pakasoˈlin kiso, itini i masakenakenaay a sapalifet wa ngaˈay madimadi ci Yihofaan?
MALALITINGAY A LALAKAW
O cecay kapah a salikaka mitafoay to misatenokay a mapalit. Nengnengen samaanay padama ci Yihofa cingranan mihadidi to saroero.
Halafinay a tahalifa to saroero, misamaanay hano kamayan madimadi midoko ci Yihofaan?
Tahalifa to Masakenakenaay a Kafalic, Kamayan Midoko ci Yihofaan (7:11)
Sasamaan timolo a miremo to saroero hani?
“Aniniho Misadayto Misiˈayaw to Sapalak” (Mikecolay, Saka 7 Folad 2019)
Sasamaan kita minengneng to sacoli no paro no lomaˈ hani? Sasamaan ko demak ngaˈ madimadi ci Yihofaan, mitafoho to rihaday no paro no lomaˈ hani?
“O Soˈlinay Kimad, ‘Caay ko Pararihadayay, O Pafangafangay’” (Mikecolay, Saka 10 Folad 2017)