Sasamaan Mikitini i Fangcalay Cudad Milifok to Sataˈangayay a Epoc?

Ano sapisatapangaw kiso to taˈakayay a papatirengen i, taˈakayay ko saroero, awaay ko tapinangan mikicowa misatapang han? Ngaˈayay silsilen iso mihacecay a midemak, wa madoloto a malahci. Minanam to Fangcalay Cudad o malecaday ko pakayraan. Saan kiso miharateng alatek, mikicowa kako misatapang a miˈosi hani? Tonini a fedengan, mamilengo kita to pina kantangay a pakayraan. Tanamen iso a midemak, miasip ato minanam to Fangcalay Cudad mamahapinang iso tada o karahekeran a demak konini.

1. Hano mamicerid kita miˈosi to Fangcalay Cudad?

Micerid kita miˈosi to ‘rikec ni Yihofa,’ onini a Fangcalay Cudad, mamalifok ko lipahak ato malaˈosi ko demak. (ˈOsien ko ˈOlic 1:​1-3.) Satapang i, cecay romiˈad pina ehon ko piasip to Fangcalay Cudad. Ano matongal ko kacipinang iso to sowal no Kawas, mamatongal ko olah a minanam to Fangcalay Cudad.

2. Samaan ko piˈosi to Fangcalay Cudad ngaˈ ciepoc kita?

Miˈosi to Fangcalay Cudad i, ka tomerepho, songilaˈen a misaharaterateng, ano mihaen i, mamalifok ko taˈangayay a epoc. Cowa ko piasip aca to tilid, ‘mamidotimho’ tora lalakaw. (Yosuwa 1:8) Ano miasip kiso i, saharateratengen: Pakayni i Kawas ci Yihofaan, pahapinangay takowanan ko sinael to maanan? Samaanen ako misakadademak i kaˈorip ko maasipay? Samaanen ako tano sinael padama ko tao?

3. Sasamaan kiso milimasmas to toki miˈosi to Fangcalay Cudad?

Pasangaran nanay kiso milimasmas to toki miˈosi to Fangcalay Cudad han? Mahaenay ko harateng no ˈalomanay tamdaw. ‘Mikiemel sangaˈayen a sakadademak ko toki’ sanay ko sowal no Fangcalay Cudad. (Ifiso 5:​16) Samaan ko pidemak iso hani? Tanamen itini misaˈosian a toki miˈosi to Fangcalay Cudad to romiˈamiˈad. O romaroma tamdaw maolahay pacelem miˈosi to Fangcalay Cudad, o romaroma tamdaw i, itiniay i romiˈad milimasmas to toki miˈosi to Fangcalay Cudad, tinakoen pahanhanan to kalahokan, o romaroma tamdaw itiniay i ˈayaw no fotiˈ miˈosi to Fangcalay Cudad. Icowaay a toki ko matatodongay tisowanan hani?

CALEPEN MIKADKAD

4. Palahaden ko olah a miˈosi to Fangcalay Cudad

Satapang i, alatek awaay ko hemek ita miˈosi to Fangcalay Cudad. Kawra, mahecaday kita o tamdaw papalidlid wasa maolah to cowaho tahatanam a kakaenen, pakayni piˈosi to Fangcalay Cudad ‘palahaden ko halamhamay a falocoˈ.’ ˈOsien ko 1 Pitiro 2:​2, ikor lengoen ko ilaenoay a salicay:

• Ano tanamen iso to romiˈamiˈad miˈosi ko Fangcalay Cudad, wa palidlid sato kiso maolah tonini a demak han?

Nengnengen ko IKA, nengnengen ko romaroma tamdaw samaanay misatapang maolah a miˈosi to Fangcalay Cudad, ikor lengoen ko ilaenoay a salicay:

IKA: Kaemangay Tamdaw Samaan Palahad Maolah to Sowal no Kawas (5:33)

• Itiniay i ika a kaemangay tamdaw miremoay to maanan a pasangaray?

• Tano maanan a pakayraan cangra padama to niyah kodait a padadotoc miˈosi to Fangcalay Cudad?

• Samaanay cangra midemak, matongal ko hemek miˈosi to Fangcalay Cudad?

Tanamen mihaen, satapang miˈosi to Fangcalay Cudad:

• Piliˈen ko matatodongay, madoloay cipinang a mihongyakan a Fangcalay Cudad. Ano iraay ko namoay a sowal Fangcalay Cudad Faelohay hekal Mihongyakan tanamen konini.

• Mikitini i kahemekan iso a lalakaw a miasip. Nengnengen ko sasilsil “Satapangto Miasip to Fangcalay Cudad.”

• Konisen tahacowaayto ko piˈosi iso. Sakadademaken ko “Dadoedoen Miˈosi to Fangcalay Cudad a Rayray”.

• Sakadademaken ko JW Libraray app. Itini i soci anca pingpan misiyacay tonini a app, miˈosi anca mitengil to milokoingan a Fangcalay Cudad.

• Sakadademaken ko sapatongal a lalakaw no Faelohay Hekal Mihongyakan. Iraay ko faco no sera, kadadoedo no demak, sapitadtad to sowal i Fangcalay Cudad, matongal ko hemek iso a miˈosi.

5. Paliˈayawen a misaday ko mikingkiw a lalakaw

ˈOsien ko ˈOlic 119:​34, ikor lengoen ko ilaenoay a salicay:

• Itini piˈosi to Fangcalay Cudad anca pisaday to mikingkiw a lalakaw, sangaˈayay i, hano isalakatenho a mitolon?

Samaan ko pisaday iso wa ira ko sataˈangayay a epoc? Tanamen ko ilaenoay a pakayraan:

1. ˈOsien ko salakatay a lalakaw no kahacecay a fedengan.

2. ˈOsien ko sinael, simsimen ko kalaliting no sinael ato lalakaw no fatac.

3. Konisen ko sapacaˈof to salicay a sowal, ano mihaen wa madoloto malalengo ato singsi.

Mafanaˈay kiso han?

Adihayay ko sakadademakan no Misawacayay Tamdaw ni Yihofa a Fangcalay Cudad. Kawra, mikiriwiˈay maolah to Fangcalay Cudad Faelohay Hekal Mihongyakan, samanen matatodongay madoloay a cipinangen, misakadademakay to ngangan no Kawas.​—Nengnengen ko Lalakaw no wangcan “O Misawacayay Tamdaw ni Yihofa Iraay Kono Niyah a Fangcalay Cudad Han?”

KALIMLAAN

Sapilifokaw to epoc nai Fangcalay Cudad i, limasmasen ko toki miˈosi, mitolon to Kawas padama tisowanan cipinang to miasipan, songilaˈenho misaday ko mikingkiw a lalakaw.

Lomalen

• Samaan kiso mikitini i Fangcalay Cudad milifok to sataˈangayay a epoc?

• Ihacowa a toki kiso micalep a cipinang to lalomaˈay a lalakaw?

• Paliˈayaw misaday to cacekiwen a lalakaw hano saka ciepoc iso?

MALALITINGAY A LALAKAW

Sapilifokaw kiso to adihayay epoc mikitini i Fangcalay Cudad han? Onini a casi papafeli tisowanan to pina sapaini a sowal.

“Samaan Miˈosi to Fangcalay Cudad Ngaˈ Ira ko Hemek Iraho ko Epoc?” (Mikecolay, Saka 1 Liyad 2017)

Nengnengen ko tolo ngaˈayay pakayraan miˈosi to Fangcalay Cudad.

“Iraay ko Maanan Sapadama no Fangcalay Cudad Takowanan?​—Saka 1: Solapen ko Fangcalay Cudad” (Lalakaw no wangcan)

Miˈosi to Fangcalay Cudad cowa ko kaˈesaman a demak.

“Iraay ko Maanan Sapadama no Fangcalay Cudad Takowanan?​—Saka 2: Miˈosi to Fangcalay Cudad Pairaen ko Kahemekan” (Lalakaw no wangcan)

O romaroma tamdaw mikingkiw to Fangcalay Cudad pinaayto a miheca, tengilen ko nalifetan nangra.

O Ngaˈayay a Pakayraan a Mikingkiw (2:06)