SAKA 46 FEDENGAN
Misamaanay Hano Patafang to Tireng a Micada to Paputisem?
Itini i satolon mihaiyay kiso ci Yihofaan edeng Cingra ko dadokoen no miso, papaisalakaten iso ko araaw Ningra i nakoˈorip iso, tatodong nonini o patafangay kiso to tireng i Cingranan. (ˈOlic 40:8) Dotoc i, mamicada to paputisem, i kaˈayaw no ˈalomanay patalahkal to mipatafangayto to tireng ko niyah ci Yihofaan. O mipatafangay to tireng i, mamifalic to hakelong no kaˈorip iso, o masakalimlaan a saˈosi no miso konini. O manan ko micikelohay tisowanan mihaen a misaˈosi hani?
1. O manan ko micikelohay to tamdaw patafang to tireng ci Yihofaan?
O olah ci Yihofaan ko micikelohay kitanan patafang to tireng Cingranan. (1 Yohani 4:10, 19) Palimoˈotay ko Fangcalay Cudad kitanan ‘sarocoden ko falocoˈ, sarocoden ko harateng, sarocoden ko ˈicel, tano polong a ˈorip a maolah to Kawas iso ci Yihofaan.’ (Marko 12:30) Cowa ka i ngoyos aca kita somowal to maolahay to Kawas, tatano waywayen a paihkal wangaˈ. Malecad to makakaolahay a faˈinayan fafahiyan mamipiliˈ cangra a mararamod, maolah kita ci Yihofaan i, o papatafang to tireng Cingranan halo micada to paputisem.
2. Pafelian ni Yihofa ko micadaayto to paputisem a tamdaw to maanan a sapalemed?
Micadato kiso to paputisem i, mitekoayto kiso to lipahakay a taˈangayay paro no lomaˈ ni Yihofa. Itini adihayay pakayraan matanamayto iso ko olah no Kawas, o kalalaˈed Cingranan mikikakaay to ˈayaw no micada to paputisem ko nika kedec. (ˈOsien ko Malaki 3:16-18.) O paro no lomaˈ iso i, o Wama ci Yihofa, iraayho ko itiniay icowacowa pala a faˈinayan ato fafahiyan a salikaka iso. Maolahay cangra ci Yihofaan maolahay tisowanan. (ˈOsien ko Marko 10:29, 30.) Nikawrira, to sapicadaaw to paputisem, isalakat mamidemak kiso to pinapina a demak. O mamafanaˈ kiso ci Yihofaan, maolah Cingranan, pakasoˈlinenho ko wawa Ningra, salikorto i, papatafang kiso to tireng ci Yihofaan. Ano midemakayto kiso to hatiniay a demak, halo micadaayto to paputisem, mitekaayto kiso romakat to midaˈocay ˈorip a lalan, ikaˈayaw iraayho ko adihayay a sakalemed. Sowal no Fangcalay Cudad, o paputisem mamilidong to ˈorip namo.—1 Pitiro 3:21.
CALEPEN MIKADKAD
Dotoc mamananam iso: Patafang to tireng ci Yihofaan ato micada to paputisem, pakayni tisowanan hano masakalimlaan hani?
3. Oha mamipiliˈ ko kahacecay tamdaw to cima ko dadokoen
Nolitengan a Israil tamdaw, miharateng ko romaroma tamdaw ngangaˈay a midoko ci Yihofaan, halo midoko to makaniway kawas ci Paalan sanay, kawra miocoran ni Yihofa ko pairasolay Ningra ci Iliya misalof to matiniay mararaway a harateng. ˈOsien ko 1 Hongti 18:21, ikor lengoen ko ilaenoay a salicay:
Oha mamisaˈosi ko Israil tamdaw to maanan?
Malecad to Israil tamdaw, oha mamipiliˈ kita to cima ko dadokoen. ˈOsien ko Luka 16:13, ikor lengoen ko ilaenoay a salicay:
Hano caka ngaˈay kita midoko ci Yihofaan, midokoho to roma a kawas hani?
Sasamaan kita paihkal ci Yihofaan to edengan Cingra ko midokoan ita?
4. Simsimen a miharateng ko olah ni Yihofa tisowanan
Adihayay ko sapafeli ni Yihofa kitanan a sapakaolah, o maanan ko hasapafeli ita Cingranan hani? Nengnengen ko IKA.
Tano maanan a pakayraan ci Yihofa paihkal to nika olah Ningra tisowanan? ˈOsien ko ˈOlic 104:14, 15 ato 1 Yohani 4:9, 10, ikor lengoen ko ilaenoay a salicay:
Mikiriwiˈan iso misalimla ko maanan a sapakaolah ni Yihofa tisowanan?
Pakayni tonini sapakaolah Ningra iraay ko masamaanay a nafalocoˈan iso?
Ano malayap ita ko cecay kaolahan a sapatelong i, o caciharateng kita paihkal to piakoˈid toya patelongay a tamdaw. ˈOsien ko Limoˈot 16:17, ikor lengoen ko ilaenoay a salicay:
Saharateratengen o nidemakan ni Yihofa a kihcod saki tisowanan, o mamicikeloh tisowanan midemak to manan saki Cingranan hani?
5. Patafang to tireng pairaay to adihayay a sapalemed
Ira ko idahiay a ngangan, katayalan ato payso papaira to lipahak sanay ko ˈalomanay tamdaw. Nengnengen ko IKA, ikor lengoen ko ilaenoay a salicay:
I ikaay a miontoay tada maolahay to mitenokay to mali, kawra ikorto hano sawaden ningra konini a tayal?
Misaˈosiay cingra patafang to tireng ci Yihofaan, ao cowa ka hakelong no ˈorip itini tonini mitenokay to mali a tayal. Matatodongay ko demak ningra sanay kiso han? Misamaanay hani?
Ci Pawlo na mikotoday to idahiyay a singsi minanam to rikec no Yutaya. Itini ˈayaw no malo Krisciyang cingra i, misamacayay micangacang to tadamaanay a tayal. Kawra, pakayni sakala nisawawaan ni Kristo, sawad hananay ningra konini a kihcod. Ikor masomaday ci Pawlo han? ˈOsien ko Filipi 3:8, ikor lengoen ko ilaenoay a salicay:
ˈAyaw no mala Krisciyang ci Pawlo kinairaay ningra a maamaan, hano o ‘hadec a maemin’ han ningra minengneng hani?
Falahen ningra ko kihcod a kinaira ningra ikor, malifokay ningra ko maanan hani?
Mipiliˈ kiso a midoko ci Yihofaan papalipahak to ˈorip ako sanay kiso han? Misamaanay hani?
Mala Krisciyang ci Pawlo ikor, malayapay ningra ikakaay ko nika adihay to malahdaway
ANO IRA KO SOMOWALAY: “O pihakelongan cowa ko kihcod iso, aka a pakinali ko demak.”
Patafang to tireng ci Yihofaan ciepocay sanay kiso miharateng han? Misamaanay aki?
KALIMLAAN
O olah ci Yihofaan mamicikeloh kitaanan patafang to tireng Cingranan ato micada to paputisem.
Lomalen
Hano citatodongay ci Yihofa to sasarocoden ita mikaolah ato midoko?
Pafeliay ci Yihofa to maanan a sapalemed i maharekayto micada to paputisem a tamdaw?
Makalimay kiso patafang to tireng ci Yihofaan han?
MALALITINGAY A LALAKAW
Nengnengen ko cecay miontoay ato cecay miraradiway hano misaˈosi patafang to tireng ci Yihofaan.
Salicay no Kapah—Sasamaan Kako Misaka Dademak to Hakelong no Kaˈorip?—Tikolen Miharateng (6:54)
Haratengen ko romaroma lalangian a patafang to tireng ci Yihofaan.
“Hano Patafang Kiso to Tireng ci Yihofaan?” (Mikecolay, 2010/1/15)
Nengnengen konini radiw a ika, mitinako to lipahak no patafangay to tireng ci Yihofaan.
O manan ko micikelohay cingranan miliyaw a misimsim to o manan ko kalimlaan no kaˈorip? Nengnengen ko ‘Marariday Kako Miharateng Hano Maˈorip ko Tamdaw Itini Hekal’ nalifetan no tamdaw.
“Minanam to Fangcalay Cudad a Mafalic ko Nokaˈorip” (Mikecolay, 2012/11/1)