Maharatengayho Iso Han?
Misongilaˈan iso miasip ko lalakaw no aniniay miheca a Mikecolay han? Wa ngaˈay pacaˈof to laenoay salicay hokira:
‘Misafaeloh to harateng’ mahawpay ko maanan hani? (Loma 12:2)
Latekay midemak to pina ngaˈayay demak, mihaen cowa ko mitaypiyaway to masafaelohayto ko harateng ita. Oha mamikinsa kita to i kemoday a waywayan no niyah, halo misaˈicel a mifalic, o pakayraan ita maˈorip mamatongalto ko pitoor to ˈakawangay a palinian ni Yihofa.—w23.01, saka 8-9 fiedac.
Sasamaan misinanot to kalingad no demak no hekal, ira ko matatodongay pinengneng to demak?
O caciharateng kita to kalingad no demak no hekal, to sakafanaˈaw to samaanay malaˈosi ko sapairasol no Fangcalay Cudad. Nikawrira, ano milengo to sapairasol no Fangcalay Cudad to tamdaw i, aka saolatekay sa pasowal, samanen mikidat to sakaliwasakaw no kasakopang alatek. Ano malalengo kita to salikaka pakayni tonini sapairasol i, salalangien ko safaelohay a mitepangan no likakawa no Kawas. (1 Korinto 1:10)—w23.02, saka 16 fiedac.
O paputisem ni Yis ato paputisem no nisawawaan ningra samaanay ko kasasiroma?
Cowa ko papatafang to tireng ci Yihofaan ci Yis, samanen hofoc han cingra masalalomaˈayto no patafangay to tireng ci Yihofaan a finacadan. Cowa ko papasasiyor to raraw no niyah, samanen o malefotay ko ˈorip awaay ko raraw ningra.—w23.03, saka 5 fiedac.
Itini saˈopo misamaan ko demak ita, ho ngangaˈay ˈaloman ko pacaˈofay to salicay hani?
Apotoˈen ita ko sowal, mihaen i, wa ˈalomanto ko tamdaw pacaˈof to salicay. Aka somowal to adihayay a masakalimlaan, mihaen i, wa iraho ko pina kalimlaan ngaˈayay sowalen no tao.—w23.04, saka 23 fiedac.
O misowalan no Isaya 35:8 ‘Makoracay a Lalan’ o manan ko mitoroˈan hani?
Oniya sapatinako taˈangayay a lalan o mirakatan no Yutaya tamdaw i nolitengan mikitini Papilon minokay i nalacolan a lalan ko mitoroˈan. Anini a lintad i? Itini ˈayaw no 1919 miheca to pina soˈot mihecaan, romaroma tamdaw midemakay to misadayay demak, itini sapatinako a tatodong o mitomadaway to lalan, mahawpay ko pihongyak ato piinsac to Fangcalay Cudad. O finawlan no Kawas romakatayto tonini a ‘Makoracay a Lalan,’ micomod i matatodongay pidokoan a lakoing, noikor tatahirato i faelohay hekal.—w23.05, saka 15-19 fiedac.
Taneng saka 9 fedengan somowalay to cima tatosaay fafahiyan?
Masowalay i Taneng saka 9 fedengan cecay ‘maapaay fafahiyan,’ micadaay to satahidang ningra a tamdaw o tatayra i ‘kemod no patademan.’ Oniya fedengan palinian ko ‘soˈlinay a taneng’ to cecay fafahiyan, micadaay to satahidang ningra ‘citanengay ko waywayan a maˈorip,’ hanaca mamadipot ko ˈorip. (Taneng 9:1, 6, 13, 18)—w23.06, saka 22-24 fiedac.
O pakayraan ni Yihofa micada ci Lotoan samaanay patalahkal to misapoeneray ato makahiay micaˈi a waywayan?
Palimoˈotan ni Yihofa ci Loto mikitini i Sotom milaliw tayra i lotok, kawra micangacangay ci Loto ci Yihofaan mihayi cingranan milaliw tayra i Coar. Itiya, mihayian ni Yihofa ko saali ningra.—w23.07, saka 21 fiedac.
Ano minengneng ko faˈinay to maˈodangay a lalakaw i, sasamaan ko demak no fafahi hani?
Haharatengen no malo fafahiay, cowa ko cingra ko mararaway. Sasongilaˈen ningra paˈading ko kalalaˈed no niyah aci Yihofa, hanaca midotim to maˈoningay no Fangcalay Cudad, nengnengen ko papina masomaday a fafahiyan samaanay milifok to sahinom ni Yihofa. Ngangaˈay padama cingra to faˈinay miliyas to mamikayhid a pakayraan.—w23.08, saka 14-17 fiedac.
Ano cisasa ko tao to pihakelongan i, micalep a cipinang to demak kita hano mamadolo padadotoc a damsay?
Wa ngaˈay kita pakayni salicay no tao cipinang to o manan ko kaciharatengan ningra, mihaen mamadoloto kita tano damsayay a pakayraan pacaˈof cingranan.—w23.09, saka 17 fiedac.
Pakayni pilifok to ˈicel, mikitini ci Mariyaan mananamay ita ko maanan?
Mafanaˈ ci Mariya to mamalo wina ni Misiya ko niyah ikor, mikitini coyoh ato roma tamdaw milifokay to ˈicel. Ci Kapriil aci Ilisapic pakalalokay cingranan. Anini, ngangaˈay kita mikitini salikaka milifok to ˈicel.—w23.10, saka 15 fiedac.
Sasamaan ci Yihofa pacaˈof to satolon ita?
Mikiˈokay Cingra to mamitengil to satolon ita, hanaca misimsimay Cingra to satolon ita iraay ko maanan kalaliting to araaw Ningra. (Yirimiya 29:12) O cowa ka lecad a tamdaw ano pasayra Cingranan mihadak to malecaday a picangacang i, o pakayraan Ningra pacaˈof cowa ka lecad alatek, kawra o mamidama Cingra to sikawdan Ningra.—w23.11, saka 21-22 fiedac.
Masowalayto i Loma 5:2 ‘iraay ko hatokel’ sa i, hano miliyaw haca somowal i saka 4 sinael hani?
Tiya matengil aca no tamdaw ko ngaˈayay lihaf i, mafanaˈay to iraay ko hatokel no niyah tahadaˈoc maˈorip i fafekang no sera a lakoing. Kawra misiˈayaw cingra to pasangaray padadotoc a miemem, hanaca matinako ko pihayda no Kawas cingranan, matongalay ko katanektek no hatokel ningra, pakayni cingranan matongalay ko kaciepoc.—w23.12, saka 12-13 fiedac.