Maharatengayho Iso Han?

Misongilaˈan iso miasip ko lalakaw no aniniay miheca a Mikecolay han? Wa ngaˈay pacaˈof to laenoay salicay hokira:

Itini picada to fafahiyan, patirengay ci Yihofa to maanan a taˈarawan hani?

Ci Yihofa cowa ka pisakakinih, cowa pisakareteng to faˈinayan misakahmaw to fafahiyan. Mitengilay Cingra to sowal no fafahiyan, ciharateng to nafalocoˈan nangra, misakaretengay a minengneng to maanan ko masiˈayaway nangra a pasangaray. Roma i, pakasoˈlinay ci Yihofa to fafahiyan, makahiay patorod to tayal i cangranan.—w24.01, saka 15-16 fiedac.

Ifiso 5:7 sanay ko sowal: ‘Aka a picawmaˈ cangranan.’ Sasamaan kita misakadademak tonini a sapalimoˈot?

Tarokos ci Pawlo patalipaˈelalay kitaanan, aka picawmaˈ toya mamicona kitaanan midofdof to palinian no Kawas a tamdaw sanay. O mahaenay a tamdaw mahawpay koya misiˈayawan ita masasowal a tamdaw, mahawpayho koya itiniay i picawmaˈan a wangcan a tamdaw.—w24.03, saka 22-23 fiedac.

I masamaanay a pakayraan, o mamikiriwiˈ kita a minaˈon, aka a mitengil to miyakayakan a sowal?

Ano macada ita ko awaay ko pinang to naicowaay a lihaf, anoca malitemoh ita ko sao makalimay minanam to soˈlinay kimad a mitowakangay to pihakelongan a tamdaw, anca pasowal ko salikaka to cowa ko soˈlinay a lihaf, o mamikiriwiˈ kita minaˈon, aka a pitengil to miyakayakan a sowal.—w24.04, saka 12 fiedac.

Pakayni to Hongti ci Solomonan, o finawlan no Sotom ato Komora, atoya matekopay i Lenlen a tamdaw o papatikol cangra maˈorip hokira, mafanaˈay kita to maanan? Cowa ka fanaˈ to maanan hani?

Cowa ka fanaˈ kita to papatikol cangra maˈorip hokira, kawra mafanaˈay kita to cipinangay to kihcod a demak ci Yihofa, hanaca cisidaˈitay Cingra.—w24.05, saka 3-4 fiedac.

Hano o ‘ˈOngcoy’ han ci Yihofa? (Limoˈot 32:4)

O pikiˈadingan ita ci Yihofa, ngaˈayay midipot kitaanan. Ngaˈayay tadiˈecen Cingra, mitooray to miketonan a sowal. Roma i, tanektekay cowa ka ngiyangi Cingra, o capeling Ningra co:wa ka falic, ano araawto Ningra co:wa ka falic.—w24.06, saka 26-28 fiedac.

Samaan kita maenep to faelohay kasakopang?

Tiˈeren ci Yihofa, tohati:niay mipadamaay Cingra to madimadiay sikawdan no Niyah, nohatini papadama Cingra tisowanan. Aka palalinien to itiyaay a kasakopang ato faelohay a kasakopang, tawliken mirienang to demak no faelohay kasakopang, kafanaˈ to faelohay widang.—w24.07, saka 26-28 fiedac.

Mikitini i tolo sapatinako no Matay saka 25 fedengan mamananam ita ko maanan?

O lopayˈay siri ato lotok siri a sapatinako misaˈicelay pasowal, o mamadimadi kita eca ka ngiyangi. Mamoetepay limocedan a sapatinako mifanaˈay kitaanan, mamisongilaˈ a misaday, padadotoc a talipaˈelal. O linkim a sapatinako mitadtaday, ka lalok kita a matayal.—w24.09, saka 20-24 fiedac.

Hakowaay ko kaˈakawang no picomodan a fawahan no fangcalay sefi ni Solomon?

2 Rayray 3:4, romaroma nolitengan a Fangcalay Cudad “120” sanay mitilid, o romaroma no Kowaping a Fangcalay Cudad kaˈakawang no picomodan a fawahan “120 a ciko no kamay.” Ano hatiraay i, onini a patirengan a lomaˈ, 53 kongce ko kaˈakawang. Nikawrira o romaroma Fangcalay Cudad “20 a ciko no kamay” sanay a mitilid, tatodong i, maedeng 9 kongce ko kaˈakawang. Ano haratengen ko kakifetol no cafeng no sefi i, 9 kongce ko kaˈakawang o matatodongay.—w24.10, saka 31 fiedac.

‘O dama sikawdan cecayay aca ko fafahi’ sa i, o manan ko tatodong nora sowal hokini? (1 Timoti 3:12)

O tatodong i, ano ciraramoday cingra, cecayay aca ko fafahi, hanaca cowa ka ngaˈay maˈodang, caay ka ngaˈay mararaw ko piharateng to roma fafahiyan, anoca pakinali ko noka piingid to fafahiyan.—w24.11, saka 19 fiedac.

Hano mafanaˈ kita, o misowalan i Yohani 6:53, cowa ka somowal to sasamaan ko demak i Lafi no Tapang?

O nisowalan ni Yis itini Yohani 6:53, o kakomaen ko tamdaw to heci ningra, minanom to remes ningra. Oniya sowal itiniay ci Yis i Kalili pasowal to ˈalomanay Yutaya tamdaw i Kongyen 32 miheca, cangra i, cangoˈotay ko pakasoˈlin ci Yisan. Kawrira ikor no cecay miheca, patireng ci Yis to Lafi no Tapang i Yirusalim i, pasayraay toya mimingay ˈopo a madimadiay nisawawaan a pasowal, tatayra cangra i kakarayan kalacafay ci Yisan mala Hongti.—w24.12, saka 10-11 fiedac.