Sasamaan Pakaharateng to Sinael

Kita maedeng iraay ko kaolahan no niyah a sinael. O roma a sinael alatek na mihinomay kitanan, o roma padamaay kitanan micoˈay to mararaway harateng, o roma o sapaladaˈaw ita to tao. (ˈOlic 119:11, 111) Kawra na iraay ko mahaenay a nalifetan iso: Sapiharatengaw kiso to cecay a sinael, kawra cowa ka maharateng. Anca sapikilimaw kiso to cecay a sinael i Fangcalay Cudad, kawra cowa ka hela. Oniya pina pakayraan alatek wa padama tisowanan.

• Sakadademak to JW Library^® a tahapinangan. Ngangaˈay sangaˈen iso ko tahapinangan, pangangan to “Kaolahan Ako a Sinael,” ikor patongal to sapiharatengaw iso a sinael i tahapinangan.

• Telien ko sinael i mahapinangay a kitiraan. O laliyawen iso a sinael ngaˈayay tiliden i kadopak, ikor paketingen i maceriday maˈaraw a kitiraan, tinakoen i dadingoan anca i pingsiyang. Ngaˈayay sasingen iso ko sinael, ikor pacomoden i soci anca i tingaw.

• Misangaˈ to kato no sinael. O cecay a kato ngaˈay tiliden ko ngangan no maloloday cudad saka pina fedengan saka pina sinael, o felih no kato i, tiliden ko lalakaw no sinael. Ngaˈayay mihatatanam kiso nengnengen ko ngangan no maloloday cudad saka pina fedengan saka pina sinael a pasowal to lalakaw no sinael, anca nengnengen ko lalakaw no sinael a pasowal to ngangan no maloloday cudad saka pina fedengan saka pina sinael.