Kpa Ubọk Ke Omọnọ Usem Awaji Ibene Ire?

Nkeek mè usem Jioba okup me emen Baibul, ọmọ okaan̄ ikpa mbuban ya. (2 Pita 1:20, 21) Sa me ikekigon aban me lek ubọk Ama Ubọọn̄ Awaji obosa isun̄ erieen̄ kan̄ me mbuban, Baibul ikinyi otutuuk ebilene ikpọchieen̄ ibe ke sọnja mgbọ ugwem monwọn. Baibul ikpa si ata eru Jioba Nte kiji ogwu okup me emen inyọn̄ okaan̄be.—Itọn̄ 86:15.

Eji ge ge mikaan̄ esese inu orọrọ eji emabe Usem Jioba. Ire, ire eji mekijeen̄ ibe ke eji mima uche unye otu ewe yi sa me ikekifuk Baibul usen geelek mè ikitap inu eji efukbe me ikwaan̄ me ugwem kiji ni? Kè irọrọ kiji ijeen̄ ibe ke eji michieek me lek ogwu ogege ikpa itọn̄ yi obe: “Mma ikan kwun̄ iraka iman̄.”—Itọn̄ 119:97

FIT FIDIO EMA MIMA BAIBUL—OKPỌKỌ MELEK (WILLIAM TYNDALE), MÈ FỌỌK IDỌDỌ CHI:

• 

  Keke orọ me William Tyndale ikaba usini me lek Baibul?

• Ike owa ke efuuk itapbe me ikakaba Baibul ya osa isibi esese?

• Ike owa ke esa me nlelet isa usini me lek Baibul Tyndale inu me England?

• Ike owa ke eji ge ge ebejeen̄ ibe ke eji mimọnọ Usem Awaji ibene?