ILULUK UGWEM KUBỌK EBI EYI KARAIS
Kaan̄ Mbem Lek me Ota Usen Eyi “Mgburudun̄ Mgbọ Yi”
Eyi eji ekebiluk me ota usen eyi “mgburudun̄ mgbọ yi,” eji eriọọn̄ ibe ke ufialek iborọriọọn̄ ikimin. (2 Tim 3:1; nwtsty study note on Mat 24:8) Mgbọ esikichichini mfufiat, ebi eyi Jioba mikibọkọ ntọ-ubọk ogbegbe mè ire eyi mokọtbe inyan̄a ugwem ene. Kisi eji ekọt eluk enwọnọ, isibi ibe ke eji mekisiki ibot mè ikikaan̄ mbem lek eyi emen ekwukwu mè eyi anam lek me mgbọ keyi.—Luk 16:10.
Bem lek eyi emen ekwukwu: Kaan̄ ata ubọk ikween̄ inu. Kween̄ esese esese ubọk ilook etip. Kasisaak ejit kwun̄ mè ire okayaka ikọt ikigọọk ebi bọn ute igbaan̄ ikikween̄ mkpọ me ntitiin̄ me sọntitiik mgbọ. (Asaya 30:15) Owu okada ibọkọ me lek Jioba melek Jisọs.—od 176 ¶15-17
Bem lek eyi anam lek: Isọkọ me lek akpa echi ebekọt iben isa ilibi, monwọn ibe ototun̄ ukan̄ ge ge ikaan̄ inorie, mun̄dim, ugwun̄, melek mbet inu okup ikecha isun̄ me uwu mire ke moweek ibe ekayaka inan̄a isibi me uwu me ujọn̄ọ mgbọ.—Urọk 22:3; g17.5 4, 6
IKPỌ FIDIO IRE OBEM LEK INYI MFUFIAT? MÈ IFỌỌK IDODO CHI:
Ike owa ke eji ebekọt ibem lek inyi mfufiat me irek emen ekwukwu?
Keke orọ ikupbe me ufiak . . .
ibe eji ekegọọk ebi ugane ntitiin̄ etumu ikọ mgbọ geelek?
ineen̄ mkpọ echi okukup ufiak itap me akpa mekọtbe igwat lek iben isa ilibi?
ikikeek mbet lek mfufiat echi mokọtbe ibọkọ irek mè mkpọ ebekọt irọ me irek ge ge?
Oniin̄ ita okukup ke eji ebekọt isa itap ubọk inyi ebi mfufiat orọn̄be itet?
DO LEK KWUN̄ IBE, ‘Ofo me lek ineneen̄ lek, keke ke mbakọt ikween̄ inan̄a me lek orukan̄ COVID-19?’