Ire Obem Lek Inyi Ufialek Eyi Ido Ni?

Eyi ota ukot yi okinu me nkana-ngwook, eji miriọọn̄ ibe ke ufialek, afa melek akọn̄ ibokiwawa. (Ichi 6:4) Ike owa ke eji ebesa ibem lek inyi ufialek chi?

• Bem lek me irek emen ekwukwu: Kikeek onineen̄ Baibul melek mfufuk echi okirọ ibe otoon̄ ejit onye me lek Jioba melek ntitiin̄ kan̄ mè echi okirọ si ufuna okakimọnọ agan̄. (Urọk 12:5; jr 125-126 ¶23-24) Mgbọ keyi ore mgbọ obosa inama mgbaan̄je kwun̄ melek ebi bọn ute me emen ntitiin̄ inye.—1 Pita 4:7, 8

• Bem lek me anam lek: Neen̄ inorie mè ofifi ofifi inu okukup ufiak melek ubọk obokọt isa iluk me utelelek me uwu kwun̄ ire kpunu irek isasa ilibi inan̄a. Neen̄ inu oborọ mè ire ikup ufiak ibe olibi onan̄a me uwu. Inan̄a me mgbọ ire mgbọ, kikpọ mè ire otap mkpọ echi okukup ufiak me emen akpa obokọt iben isa ilibi. Kawuuk itatap mkpọ obokọt isa ichit inwọm melek ubọk kwun̄ mè ikpoko si. Riọọn̄ ubọk obosa ikaan̄ mè iyaka ire igwen ebi ugane ntitiin̄ mè mun̄ ibe ke ema miriọọn̄ ubọk ebesa ikaan̄ owu si.—Asaya 32:2; g17.5 3-7

Me mgbọ ufialek, kup nye kirọ inu echi obokinama mgbaan̄je kwun̄ melek Jioba inye ike owuukbe lek ikirọ. (Filip 1:10) Mun̄ ibe ke okan̄a me uwu isibi itata mè ire ichuchubọk ikup ufiak. (Mat 10:16) Che inorie okaan̄be melek ofifi ofifi inu si nyi ebi ofifi ife.—Rom 12:13.

IKPỌ FIDIO IRE OBEM LEK INYI MFUFIAT? MÈ IFỌỌK IDODO CHI:

• Ike owa ke Jioba obosa itap ubọk inyi eji me mgbọ mfufiat isirọn̄?

• Ike owa ke eji ebesa ibem ibem lek?

• Ike owa ke eji ebekọt isa itap ubọk inyi ebi mfufiat orọn̄be itet?