Omokọt Irọ Inyi Unwọọn̄ Ikup me Ototun̄ Ukan̄ Kwun̄

Jioba iweek ibe ebi ototun̄ ukan̄ ekekaan̄ ubelejit. (Itọn̄. 127:3-5; Etip. 9:9; 11:9) Ire, eji mekọt ichep unwọọn̄ kiji mije sasaak okinan̄a me inyọn̄ kè Setan mè nrọ-nlọ ebi ototun̄ ukan̄ kiji. Keke ke ge ge me ototun̄ ukan̄ eberọ isasa irọ inyi unwọọn̄ ikup me ototun̄ ukan̄ ni?

Olom mokinyi nwa kan̄ umin. (1 Pita 3:7) Mokifiat mgbọ melek kan̄. Mokup okem okem me lek inu ikiweek me ubọk nwa kan̄ mè ikijeen̄ ibe ke ọmọ ibele ejit me lek inu nwa kan̄ okirọ inyi ọmọ mè ototun̄ ukan̄ kan̄. (Kọl. 3:15) Mokijeen̄ ọmọ ima mè ikitọn̄ ọmọ si.—Urọk 31:28, 31.

Nwa mokiweek irek ibokisa ibieen̄ ogwu olom inye. (Urọk 31:12) Mokisiki ibot inyi ogwu olom mè ikigọọk ọmọ igbaan̄ mkpọ irọ. (Kọl. 3:18) Mokisa ata ejit ikitumu usem inyi ogwu olom mè ikitumu ata mkpọ ofolek kan̄ inyi ebi ofifi ife.—Urọk 31:26.

Uga mè ute mekifiat mgbọ melek nsabọn kiban̄. (Ikan. 6:6, 7) Mekitumu inyi nsabọn kiban̄ ibe ke mima ema. (Mat. 3:17) Esikinyi nsabọn kiban̄ osusut, ema mekijeen̄ ima mè iriọọn̄-inu.—Efes. 6:4.

Nsabọn mekilibi nga kiban̄ mè nte kiban̄. (Urọk 23:22) Ema mekirọ ibe nga kiban̄ mè nte kiban̄ eriọọn̄ nkeek kiban̄ mè ubọk inu okikup ema me lek. Ema mekibọkọ ikan̄-inu itap mè ikijeen̄ nga kiban̄ mè nte kiban̄ ulibi.—Urọk 19:20.

IKPỌ FIDIO KAAN̄ UNWỌỌN̄ ME EMEN OTOTUN̄ UKAN̄, MÈ IFỌỌK IDODO YI:

Keke ke ge ge me ototun̄ ukan̄ oborọ inyi unwọọn̄ ikup me ototun̄ ukan̄ ni?