INU NKWEEN̄ 12
Jeen̄ Ima mè Nsan
Ebi Teselonaika Eyi Adasi 2:7, 8
ME MGBIDIM: Sa me ata nkeek tumu usem, mè jeen̄ ebi ikigban̄ owu ibe ke okaan̄ ima me lek kiban̄ mè iweek itatap ubọk inyi ema.
UBỌK OBORỌ:
Kikeek mkpọ ofolek ebi ikigban̄ owu. Neen̄ ejit kwun̄ sa me ikakaan̄ me nkeek mbet lek ufialek ema ekichichini. Kikeek ubọk ikikup ema me lek.
Riọọn̄ ubọk gobo usem obotumu. Week ubọk obosa ire ejit ebi ikigban̄ owu, itap ema efuuk me owot mè ikat ema ejit. Kasa usem obonaan̄ ema ejit isa irọ inu, mè katumu ikeme ebi kpechieekge me lek Jioba miya ire ikeme inu ema echieekbe me lek.
Jeen̄ olilọk kwun̄. Sa ida ogbegbe mè ubọk okisa akpalek kwun̄ irọ inu sa jeen̄ ebi ikigban̄ owu ibe ke ochubọk ikaan̄ ema ima me lek. Gbalachieen̄ me ubọk obokisa akpalek kwun̄ irọ inu; kimaan̄lek ke-otu imọm.