Itap Ene Efuuk me Owot mè Inwọn

Jobu 16:5

ME MGBIDIM: To chieen̄ me lek ubọk ebesa irọ ufialek itet, ikare me lek ufialek ya, melek inu echi obokitap ebi ikigban̄ owu efuuk me owot.

UBỌK OBORỌ:

• Kaan̄ ata nkeek me lek ebi ikigban̄ owu. Chieek ibe ke ebi me lek kwun̄ ekube me ichechieek ge miweek irọrọ nkeek Jioba. Ikerere ibe omonyi nteme, dasi tọn̄ ema me mgbọ igbebe.

• Kamaan̄lek isa usem echi kponamabe ene irọ inu. Sa usem echi kponamabe ebi ikigban̄ owu rọ inu gaalek me mgbọ obosa itap utoon̄ me lek usem kwun̄. Kè inu obotumu ire eyi obokinama ene inye.

• Sa Usem Awaji rọ inu jaan̄. Sa nkeek ebi ene si lek inu Jioba owuukbe lek irọ, echi ikirọ mgbọ keyi, mè echi iborọ me mgbọ okup me isi inyi ebilene. Tap efuuk mè nama ebi ikigban̄ owu nye kisi ekaan̄ ukpọchieen̄.