INU NKWEEN̄ 18

Kè Ebi Ikigban̄ Owu Ekween̄ mkpọ Me Lek

Ebi Kọrint Eyi Adasi 9:19-23

ME MGBIDIM: Rọ mè ebi ikigban̄ owu ekekeek ibot usem ya, inyi ema emun̄ me lek kiban̄ ibe ke ema mikween̄ mkpọ onwọnwọn.

Keek-nu mkpọ ebi ikigban̄ owu ewuukbe lek iriọọn̄. Kpan̄asi obokpọk itumu mkpọ ema ewuukbe lek inọ, rọ mè ema eyaka emun̄ inu ya me oniin̄ osisibi esese mè ikup ayaya.

Fet otu kpa usem echi eriọọn̄be, ire, kagwat osikikpa inu echi orere ayaya.
Week mè gwu nkeek kom me lek. Omokọt isa inu kpemaan̄ lek iriọọn̄ miya ire inu echi ore ayaya isa ikpa isibi usem okukup ufiak mire ifet. Riọọn̄ ubọk keek dọk mkpọ ofolek usem kwun̄ mè mgbaan̄ usem ya okaan̄be me lek inu obosa irọ mkpọ.

Ike okiwọlọ usem kwun̄ ikpọ, kido lek kwun̄ ndo-ikọ okup ikechi ‘keke, eke orọ, kpa-mgbọ, owa, ekene, mè ikeowa.’ Tap ugwem me lek ijejeen̄ kwun̄ sa me ikekido mè ikifọọk usini ndo-ikọ cha me otutuuk usem kwun̄ obonyi.
Jeen̄ oruru usem kwun̄ okaan̄be. Kpa wele ike Baibul obokọt isa itap ubọk inyi ebi ikigban̄ owu me ugwem kiban̄ usen geelek. Kpa irek echi osibi esese, eru, melek inu ebekọt irọ echi okukup me ufiak inyi ebi ikigban̄ owu.