INU NKWEEN̄ 02
Baibul Ikinyi Ikpọchieen̄
Ogbogbo ene mikikaan̄ ufialek okirọ ibe ema ekefieek ejit mè ekekaan̄ sasaak echi okisa unan ijet ema. Ire owuuk lek ikweek me irek okup ikeyi ni? Mokọt ire ibe ke okakibọkọ ukwook mije orukan̄ okifiak mè iyaka ire, mkpa ogwu omabe. Omokọt ikido lek kwun̄ ibe, ‘Ire ugwem mojaan̄ ni?’ Baibul ikaan̄ ufọọk-otu okinyi ene ujot-owot inyi idodo yi.
1. Ike owa ke Baibul okisa inyi ikpọchieen̄?
Baibul ikpa inyi eji inu orọrọ ufialek owabe me linyọn̄ yi mè ata etip ibe ke ufialek chi ikpobobia ire mgbọ geelek, ke mota sọnja mgbọ. Use Baibul mokọt inyi owu “ikpọchieen̄ melek ònu-me-isi.” (Fuk Jerimaya 29:11, 12.) Use chi ikitap ubọk inyi eji ekọt ekeme ufialek kiji, me nkeek ibe ke mkpọ monwọn mgbọ keyi mè mgbọ okup me isi.
2. Keke ke Baibul okikpa ofolek mgbọ okup me isi?
Baibul ikpa ibe ke me mgbọ okup me isi, ke “mkpa ìkpoyaka ikup, ufieejit, mè ito, mè unan geege ìkpoyaka ikup ofifi.” (Fuk Ichichili 21:4.) Ufialek echi okirọ ibe ebi ene ekebọkọ ukwook me chereyi—kubọk ugbọọri, nnaan̄, orukan̄, mè mkpa—kpebeyaka ikup. Baibul ichieek use ibe ke ebilene menwọọn̄ ugwem me inyọn̄ ijọn̄ yi me Paradais ire mgbọ geelek.
3. Ike owa ke obosa irọ mè utoon̄-ejit kwun̄ me lek use Baibul inye?
Owuwa ene ekikaan̄ me ejit ibe ata mkpọ irọ, ire, ema kpekaan̄ unye-ejit ibe ke mkpọ ya ema ekaan̄be me ejit morọ iso. Inu Baibul ochieekbe ikup esese. Eji mekọt inama utoon̄-ejit kiji me lek use chi ire eji “ikiwọlọ Ikpa Mbuban̄.” (Ikwaan̄ 17:11) Ike okikween̄ Baibul, owu gaalek motumu ifieek mè ire omochieek me lek mkpọ itumube ofolek mgbọ okup me isi.
KWEEN̄ GBAALEK
Wọlọ kpọ usini use Baibul ochieekbe ofolek mgbọ okup me isi. Mè kpọ si ubọk ikpọchieen̄ echi Baibul onyibe okisa itap ubọk inyi ebi ene me chereyi.
4. Baibul inyi ikpọchieen̄ ugwem ikakaan̄ge itata mè kpunuge ukwook
Kpọ-nu usini use okup me emen Baibul. Eyi owa otop owu me lek ichit? Keke orọ itopbe owu me lek?
Fuk ere Baibul echi egebe iriaak lek use chi, mè fọọk idodo chi:
Ire okeek ibe ke ere Baibul chi mokọt inyi owu ikpọchieen̄ ni? Ire okeek ibe mokọt inyi ebi ototun̄ ukan̄ kwun̄ mè ebi unene kwun̄ ikpọchieen̄ ni?
Keek-nu ubọk ibokup iluluk me inyọn̄ eyi
KPUNU OGWU . . . |
OTUTUUK ENE . . . |
|---|---|
|
|
|
|
|
|
|
|
|
|
5. Ikpọchieen̄ Baibul okinyi mokọt itap ubọk inyi owu
Owuwa ene ekinaan̄ ejit mè ikifieek ejit bak lek ufialek okup ikana ema. Usini kiban̄ mikisa irọrọ mè irek chi inwọn. Kpọ ubọk use Baibul ochieekbe ibe ke mgbọ okup me isi monwọn okisa itap ubọk inyi ebi ene me mgbọ keyi. Fit FIDIO yi, mè igbaan̄ ikpa idodo chi ogọgọọk.
Me emen fidio yi, kpasi inu ikpak osisaak Rafika?
Ubọk geelek ibe ke inu ikpak ya ikata, ike owa ke Baibul osa itap ubọk inyi ọmọ?
Ire eji itoon̄ ejit me lek use Baibul ofolek mgbọ okup me isi, eji mekọt itim igak ufieejit mè ikikaan̄ ubelejit ikerere me ijo irek. Fuk Urọk 17:22 mè Ebi Rom 12:12, mè igbaan̄ ikpa idodo chi:
Ire okeek ibe ke ikpọchieen̄ Baibul okinyi mokọt itap ubọk inyi owu me mgbọ keyi ni? Keke orọ okeekbe ikeya?
USINI ENE EKIBE: “Use Baibul ofolek mgbọ okup me isi ikare mkpọ obokọt irọ iso.”
Keke orọ ikupbe ufiak ibe oweek ufọọk-otu onyi lek kwun̄?
ME MGBIDIM
Baibul ikinyi eji ikpọchieen̄ mè ikitap ubọk inyi eji ekọt ekeme rumurumun̄ inan̄a me lek ichechieek eji use ofolek mgbọ okup me isi eyi ubelejit obokup.
Idodo
Keke orọ ebi ene ekiweek ikpọchieen̄?
Keke ke Baibul otumu ofolek mgbọ okup me isi?
Ike owa ke ikakaan̄ ikpọchieen̄ ofolek mgbọ okup me isi obosa itap ubọk inyi owu me mgbọ keyi?
WEEK
Kween̄ gbaalek ubọk ikpọchieen̄ obokọt itap ubọk inyi owu me mgbọ okaan̄be ufialek.
Kween̄ ubọk ikpọchieen̄ ofolek mgbọ okup me isi obokọt itap ubọk inyi ebi ikirurumun̄ me lek ijo orukan̄.
“Living With Chronic Illness—Can the Bible Help?” (Web article)
Osikikpọ okwa fidio yi, keek ubọk owu melek ebi ototun̄ ukan̄ kwun̄ ekinwọọn̄ ugwem me Paradais ike Baibul ochieekbe me use.
Fuk ubọk ogwu okitap efuuk imun̄ ibe ke kpefeen̄ ebi ene osabe inwene mgbọ ikween̄be use Baibul ochieekbe ofolek mgbọ okup me isi.
“I No Longer Feel That I Have to Change the World” (The Watchtower, July 1, 2013)