Kpa Ubọk Ke Baibul Obosa Itap Ubọk Inyi Owu?

Otutuuk kiji miweek ikwekween̄ mkpọ ofolek ugwem, ukwook, mkpa mè mgbọ okup me isi. Eji si mikikaan̄ sasaak ofolek ubọk eji ebesa ikikpọ chieen̄ me lek ufiak kiji mè ikikaan̄ ubelejit me ototun̄ ukan̄ kiji. Owuwa ene mekimun̄ ibe ke Baibul ifọọk otu idodo echi okukup ufiak me ugwem mè ikinyi nteme echi ebekọt isa irọ mkpọ usen geelek. Ire ikaan̄ ogwu okikeek ibe ke Baibul mokọt itap ubọk inyi ni?

1. Idodo echi owa ke Baibul ofọọk?

Baibul ifọọk idodo okukup ufiak chi: Ike owa ke ugwem osa ibene? Keke ore nkeek Awaji ofolek ugwem? Keke orọ ebi ata ife ekibọkọ ukwook? Keke okibọkọ irek ire ene ikwu? Ire otutuuk ene ekiweek esuuk, keke orọ akọn̄ owabe? Keke oborọ inyọn̄ ijọn̄ yi me mgbọ okinu me isi? Baibul itap eji efuuk me owot ibe eji eweek ufọọk-otu esa enyi mbet lek idodo chi, owuwa ene mikaan̄ ujot-owot inan̄a me lek ufọọk-otu Baibul onyibe si.

2. Kpa ubọk ke Baibul obosa itap ubọk inyi eji ekenwọọn̄ ugwem usen geelek?

Baibul ikinyi eji ata nteme. Kubọk inu njeen̄, Baibul ikijeen̄ ebi ototun̄ ukan̄ ubọk ebesa ikikaan̄ ata ubelejit. Inyi nteme ofolek inu eji eberọ me mgbọ eji ekaan̄be sasaak mè ubọk eji ebesa ikinwọọn̄ ikwaan̄ kiji. Omokween̄ inu Baibul otumube ofolek ibot usem chi melek ofifi ofifi inu si ike eji ekigbaan̄ ikween̄ ikpa yi inyi isi. Omokọt inichieek ibe ke “otutuuk inu geelek òkup me Ikpa Mbuban [orere, Baibul]” ikaan̄ oruru inyi eji.—Timọti Eyi Òso Iba 3:16.

KWEEN̄ GBAALEK

Kween̄ ubọk Baibul osabe ikitap ubọk inyi ebi ene, ubọk obosa ikinwọọn̄ ifufuk Baibul mè inu orọrọ inwọnbe ibe oweek ntap-ubọk inyi okọt ogobo Baibul otet.

3. Baibul mokọt iban eji

Baibul ibet lek mkpukan̄ okitoon̄ ijaan̄. Baibul mokọt itap ubọk inyi eji ekọt ekerọ ata ntumu-mfieek mè eriọọn̄ inu echi oborọ me mgbọ okinu me isi.

Fuk Okwa Itọn̄ 119:105, mè igbaan̄ ikpa idodo chi:

• Ogwu ogege ere yi imumun̄ Baibul?

• Owu me lek kwun̄ okimumun̄ Baibul?

4. Baibul ifọọk idodo kiji

FIDIO: Kachieek Ibe Ikpọchieen̄ Kwun̄ Iwọ! (1:48)

• Me emen fidio yi, kpasi idodo osisaak ogwu enenwaan̄ ya?

• Ike owa ke ikwekween̄ Baibul osa itap ubọk inyi ọmọ?

Baibul itap eji efuuk me owot ibe eji ekedo idodo. Fuk Matiyu 7:7, mè igbaan̄ ikpa idodo yi:

• Kpasi idodo ke okaan̄, echi okikeek ibe ke Baibul mokọt ifọọk?

5. Omokọt inwọọn̄ ifufuk Baibul

FIDIO: Ifufuk Baibul (2:05)

• Me emen fidio yi, keke ke ebi ijija etumu ofolek ifufuk mkpọ?

• Ikerere ibe ke ema kpekinwọọn̄ ifufuk mkpọ, keke orọ ema ekinwọọn̄ ifufuk Baibul?

Baibul mokọt ijeen̄ eji inu obokat eji ejit mè inyi eji ikpọchieen̄. Fuk Ebi Rom 15:4, mè igbaan̄ ikpa idodo yi:

• Ire omoma ibe use Baibul ikat owu ejit mè inyi owu ikpọchieen̄ ni?

6. Ebi ofifi ife mekọt itap ubọk inyi eji egobo Baibul etet

Isan̄a me lek ifufuk Baibul agaga, owuwa ene miniriọọn̄ ibe ke igọgọọk ebi ofifi ife ikpa Baibul ikitap ubọk inyi ema. Fuk Ikwaan̄ 8:26-31, mè igbaan̄ ikpa idodo yi:

• Kpa ubọk ke eji ebesa igobo Baibul itet?—Kpọ agba eyi 30 mè 31.

ME MGBIDIM

Baibul iben nteme ofolek ubọk eji ebesa ikiluk ugwem usen geelek melek ufọọk-otu isa inyi idodo echi okukup ufiak, ikikat ebi ene ejit mè ikinyi ema ikpọchieen̄ si.

Idodo

• Kpasi nteme ke eji ebekọt imun̄ me emen Baibul?

• Usini idodo echi owa ke Baibul ofọọk?

• Keke ke oboma ikwekween̄ inan̄a me emen Baibul?

WEEK

Kween̄ ubọk nteme Baibul osabe ikaan̄ ikwaan̄ inyi eji me chereyi.

“Bible Teachings—Timeless Wisdom” (The Watchtower No. 1 2018)

Kween̄ ubọk Baibul osabe itap ubọk inyi ogwu enerieen̄ ge okirurumun̄ me lek lọlọ nkeek karake irebe sọntiik gwun̄.

Ike Aya Ugwem N̄a Osabe Ibene (2:53)

Kween̄ nteme ebi ototun̄ ukan̄ ebekọt itap me ikwaan̄, echi Baibul onyibe.

“12 Secrets of Successful Families” (Awake! No. 2 2018)

Kween̄ inu Baibul okpabe ofolek ogwu okikpulu linyọn̄ yi, eyi ojeje ntikwo me lek nkeek owuwa ene.

Keke Orọ Ekikween̄ Baibul?—Eyi Ososo (3:14)