Kpa Ubọk Ke Ntọbọ-Ebum Kiji Obokisa Ibele Awaji Ejit?

Kubọk eji ekpabe me inu nkween̄ oraraka, ikare otutuuk uwu uriaak ke Awaji okibọkọ itap. Ire, eji mekọt itọbọ ebum inyi Ogwu Ororom eji me oniin̄ iweekbe. Keke ore ‘atata ntọbọ-ebum [mè iyaka ire, uwu uriaak]’ eyi Awaji okibọkọ itap? (Jemis 1:27) Kpọ-nu inu Baibul ojeen̄be.

1. Keke ke ntọbọ-ebum kiji oboyaka lek ibieen̄ me lek?

Ntọbọ-ebum kiji iboyayaka lek ibieen̄ me lek Baibul. Jisọs itumu inyi Awaji ibe: “Ikọ kwun̄ ìre atikọ.” (Jọn 17:17) Usini uwu uriaak mijit atikọ okup me emen Usem Awaji, orere Baibul. Ema eyaka ikitet ijejeen̄ mè orọmijọn̄ ebilene inye. Ire, Jioba ikakibele ejit me lek ebi ijijit “isusun̄ Ikan Awaji.” (Fuk Mak 7:9.) Kpan̄asi ikeya, Awaji ikibele ejit me mgbọ eji ekitọbọ ebum inyi ọmọ igọọk me lek nteme okup me Baibul.

2. Kpa ubọk ke eji ebesa ikitọbọ ebum inyi Jioba?

Igbe ibe eji etọbọ ebum enyi Jioba gaalek bak me lek ọmọ orom eji. (Ichichili 4:11) Eyi isibi ibe ke eji kpebekisa mkpọmfaka, inu ekọkọ mè iyaka ire ogugo ikitọbọ ebum inyi ọmọ.—Fuk Asaya 42:8.

Ntọbọ-ebum kiji ikup “me mbuban, mè ikibele Awaji ejit.” (Ebi Rom 12:1) Eyi isibi ibe ke eji ebekiluk igọọk onineen̄ kan̄. Kubọk inu njeen̄, ebi imama Jioba mema mè ikigọọk onineen̄ kan̄ ofolek mbat-olom. Ema si ekijit ijo irọrọ kubọk inwọnwọ ugwun̄ ubọk ikagbege mè iyaka ire siga, ijo ugwun̄, mè inwọnwọ miin̄ isa.a

3. Keke orọ eji ebekigọọk ebi ene igbaan̄ ikitọbọ ebum inyi Jioba?

Nkween̄mkpọ eji ekikaan̄ me nde geelek ikinyi eji irek itọtọn̄ ‘Jioba me ere ebi kan̄ etitiin̄be.’ (Okwa Itọn̄ 111:1, 2) Oniin̄ ge eji ekirọ eyi ire sa me ikọkọt okwa ikisa itọn̄ Awaji. (Fuk Okwa Itọn̄ 104:33.) Jioba ibe mè eji ekenu nkween̄mkpọ mije imabe eji, mè iriọọn̄ ibe ke nkween̄mkpọ chi motap ubọk inyi eji eluk ugwem ere mgbọ geelek. Eji ekikaan̄ oruru mgbọ geelek eji ekigbaan̄ ititiin̄.

KWEEN̄ GBAALEK

4. Eji ekasa inu ekọkọ itọbọ ebum inyi Awaji

FIDIO: Ire Awaji Iweek Ibe Eji Ekesa Inu Ekọkọ Etọbọ Ebum Enyi Ọmọ NI? (3:26)

• Keke orọ mgbọ usini ebi eyi Awaji me Baibul esabe inu ekọkọ igbaalek itọbọ ebum inyi ọmọ?

Usini ene ekikeek ibe ke isasa mkpọmfaka itọbọ ebum inyi Awaji motaba ema iriaak me lek kan̄. Ire, ire eya mokọt itaba ọmọ iriaak me lek kiji ni? Fuk Isisibi 20:4-6 mè Okwa Itọn̄ 106:35, 36, mè igbaan̄ ikpa idodo chi:

• Keke ke omun̄ ebi ene ekisa igbaalek itọbọ ebum?

• Ike owa ke inu cha okikup me lek Jioba?

• Ike owa ke ikikup owu me lek?

5. Itọtọbọ ebum inyi Jioba gaalek ikisan̄a eji isibi me usun̄ ijejeen̄ ataak

FIDIO: Atikọ Inyan̄a Emi Isibi (5:16)

Fuk Okwa Itọn̄ 91:14, mè igbaan̄ ikpa idodo yi:

• Keke ke Jioba ochieek use irọrọ inyi eji ire eji ima ọmọ mè ikitọbọ ebum inyi ọmọ gaalek?

6. Eji ekitọbọ ebum inyi Awaji me nkween̄mkpọ ntitiin̄

Eji ekitọn̄ Jioba mè ikinama ge ge ibene sa me ikekikọt okwa mè ikekifọọk ikọ me nkween̄mkpọ ntitiin̄. Fuk Okwa Itọn̄ 22:22, mè igbaan̄ ikpa idodo chi:

• Ire okekinwọọn̄ inọnọ ene okifọọk ikọ me nkween̄mkpọ ni?

• Ire omoma ineneen̄ lek inyi ogọọk ofọọk ikọ ni?

7. Jioba ikekibele ejit ire eji ekikpa mkpọ eji ekikween̄ inyi ebi ene

Eji mikaan̄ owuwa oniin̄ isasa ikpa atikọ Baibul inyi ebi ofifi ife. Fuk Okwa Itọn̄ 9:1 mè 34:1, mè igbaan̄ ikpa idodo yi:

• Keke ke okween̄ me Baibul eyi oboma ikpakpa inyi ebi ofifi ife?

ME MGBIDIM

Eji ekirọ inyi Ogwu Ororom eji ibele ejit me mgbọ eji ekitọbọ ebum inyi ọmọ gaalek, ikitọn̄ ọmọ me nkween̄mkpọ ntitiin̄, mè ikikpa inu eji ekween̄be inyi ebi ene.

Idodo

• Ike owa ke eji ebesa iriọọn̄ ubọk ogbegbe isasa itọbọ ebum inyi Awaji?

• Keke orọ eji ebekitọbọ ebum inyi Jioba gaalek?

• Keke orọ eji ebekigọọk ebi imama Awaji igbaan̄ ititiin̄ ikitọbọ ebum?

WEEK

Me ukpatu obe “I No Longer Slave for Idols,” fuk ubọk ogwu enenwaan̄ ge osabe isan̄a lek isan̄a me lek itọtọbọ ebum inyi inu ekọkọ.

“The Bible Changes Lives” (The Watchtower, July 1, 2011)

Kween̄ inu obotap ubọk inyi owu okọt okofọọk ikọ me nkween̄mkpọ ntitiin̄.

“Praise Jehovah in the Congregation” (The Watchtower, January 2019)

Kpọ-nu ubọk ogwu enerieen̄ ge osabe ikaan̄ oruru inan̄a me lek inunu nkween̄mkpọ ntitiin̄ ubọk geelek ibe ke ikafet inyi ọmọ.

Jioba Ikpọ Emi Chieen̄ Me Lek (3:07)

Owuwa ene michieek ibe ke uti nkwurieen̄ ikeke ichit chieen̄ ebi eyi Karais, ire, ire igbe ibe eji ekesa uti nkwurieen̄ eketọbọ ebum ni?

“Why Don’t Jehovah’s Witnesses Use the Cross in Their Worship?” (Web article)