Ijejeen̄ Ulọk Me Lek Ebi Ofifi Ife

Inu Jisọs Orọbe

FIDIO: Jisọs melek Ogwu Enenwaan̄ Ge me Otu Mudim

1. Kpọ FIDIO yi, mè iyaka ire fuk Jọn 4:6-9. Mè fọọk idodo chi ogọgọọk:

1. Keke ke Jisọs omun̄ ofolek ogwu enenwaan̄ ya sabum inibene ukpatu melek kan̄?

2. Keke orọ Jisọs itutumu ibe: “Che sọnja mudim nyi emi ǹnwọ” orebe ata oniin̄ isasa ibene ukpatu?

Keke Ke Eji Ekween̄ Inan̄a Me Lek Jisọs?

2. Eji mekọt ibene ata ukpatu melek ene ire eji ibene ikọ kiji me lek ibot usem ene ya okaan̄be ulọk me lek.

Gọọk Akpat Ukot Jisọs

3. Kinwunween̄ ibot usem kwun̄. Kakpọkpọ itumu ifieek ibe ke omobene ukpatu me lek ibot usem okaan̄be me ejit. Bene me lek mkpọ ebi ofifi ife ekikeek mkpọ ofolek me chereyi. Do lek kwun̄ ibe:

1. ‘Keke ke ekikpa me ere ekikaan̄ etip?’

2. ‘Keke ke ebi mbuuruk n̄a, ebi melek n̄a ekisi ikwaan̄, mè iyaka ire ebi melek n̄a ekisi uwu ikpa ekitumu mkpọ ofolek?’

4. Kiriọọn̄ ubọk kpọ ere. Do lek kwun̄ ibe:

1. ‘Keke ke ene yi okirọ me mgbọ keyi? Keke ke ibokikeek mkpọ ofolek?’

2. ‘Keke ke mkpọ ene yi otapbe, ubọk ikupbe mè iyaka ire uwu kan̄ okijeen̄ emi ofolek inu ichieekbe me lek mè iyaka ire orọmijọn̄ kan̄?’

3. ‘Ire mgbọ keyi inwọn igọgọọk ọmọ ikpa usem ni?’

5. Kigban̄ Utọn̄.

1. Katumu usem iwa.

2. Tap efuuk me owot ogwu okigọọk ikpa usem ibe ikpa nkeek kan̄ isibi. Do idodo me mgbọ ogbegbe.