Kaan̄ Ukarajit

Inu Jisọs Orọbe

FIDIO: Jisọs Iteme Gwun̄ Enerieen̄ Obọbọọn̄ Ubọọn̄

1. Kpọ FIDIO yi, mè iyaka ire fuk Mak 10:​17-22. Mè fọọk idodo chi ogọgọọk:

1. Kpasi ata eru ke Jisọs omun̄ me emen ogwu enerieen̄ obọbọọn̄ ubọọn̄ ya?

2. Keke orọ iweekbe ima mè ukarajit me ubọk Jisọs isasa inyi ene ya nteme ni?

Keke Ke Eji Ekween̄ Inan̄a Me Lek Jisọs?

2. Ikup ufiak ibe eji ejeen̄ ebi ene ima, ire, eji si mekpa ikpọk mbum inyi ebi eji ekigọọk ikween̄ mkpọ inu ema eberọ isasa ikitaba lek iriaak me lek Awaji.

Gọọk Akpat Ukot Jisọs

3. Tap ubọk nyi ogwu okigọọk ikween̄ mkpọ ibe ito mkpọ me isi mè irọ itet.

1. Sa agan̄ “Inu Obokọt Irọ” okup me inu nkween̄ ge ge me ikpa Nwọọn̄ Ugwem Re Mgbọ Geelek! sa rọ mkpọ

2. Tap ubọk nyi ogwu okigọọk ikween̄ mkpọ ibe iriọọn̄ mkpọ iborọ inyi ikọt irọ mkpọ echi itobe me isi itet.

3. Kitọn̄ ogwu okigọọk ikween̄ mkpọ mgbọ geelek me lek nje-nnyi-isi kan̄.

4. Riọọn̄ mkpọ echi okikput ogwu okigọọk ikween̄ mkpọ ibe ikaje inyi isi, mè tap ubọk nyi ọmọ ibe itim igak inu cha.

1. Do lek kwun̄ ibe:

   • ‘Ire ogwu nkigọọk ikween̄ mkpọ ikaje inyi isi ikifo lek ikakaan̄ ntap-me-mun̄, keke okikput ọmọ?’

   • ‘Keke ke mbakọt irọ isasa itap ubọk inyi ọmọ?’

2. Beek Jioba ibe inyi owu ukarajit inyi osa me ima okpa okpọk mbum onyi ogwu okigọọk ikween̄ mkpọ inu okukup ufiak ibe irọ.

5. Tele nkween̄mkpọ ire ogwu okigọọk ikween̄ mkpọ ya ikaje inyi isi.

1. Omokọt iriọọn̄ mè ire nkween̄mkpọ Baibul okije inyi isi sa me idodo lek kwun̄ ibe:

   • ‘Ire ogwu nkigọọk ikween̄ mkpọ ya ikitap mkpọ ikikween̄ me ugwem kan̄ ni?’

   • ‘Ire ikekinu nkween̄mkpọ ntitiin̄ mè ikikpa mkpọ ikikween̄ inyi ebi ofifi ife ni?’

   • ‘Ire ifiin̄ karake ikikween̄ mkpọ, ire ichubọk iweek irere ge me lek Ebi Atạ-Ikọ Jioba ni?’

2. Ire ogwu okigọọk ikween̄ mkpọ ikaweek ijeje inyi isi:

   • Do ọmọ ibe ikeek mkpọ echi okitet ọmọ ikaan̄.

   • Sa me ulibi kpa nyi ọmọ inu orọrọ obotele nkween̄mkpọ ya.

   • Rọ inyi iriọọn̄ inu iborọ ufuna enyi meyaka ibene nkween̄mkpọ ya me mgbọ okup me isi.