Jeen̄ Ebi Okigọọk Ikween̄ Baibul Ufuna Ekekaan̄ Iriọọn̄-inu Eyi Awaji

Ufuna ema ekọt ekerọ ejaan̄ mè enye me irek emen ekwukwu, ikpobore gaalek atikọ echi Baibul eji ekijeen̄ ke ema ebekween̄. (Mat 5:3; Iburu 5:12–6:2) Ema kpelọlọ ikwekween̄ ubọk ema mesabe ikikaan̄ iriọọn̄-inu eyi Awaji.

Bene me ibebene, jeen̄ ebi okigọọk ikween̄ Baibul ubọk ema mekọtbe ikineen̄ lek me lek nkween̄mkpọ kiban̄, mè tap ema efuuk me owot ibe ekerọ ikeya. (mwb18.03 6) Tap ema efuuk me owot ibe ema ekebeek uriaak mgbọ geelek ema ebekaan̄ nkween̄mkpọ eyi lek kiban̄. Kpa wele nyi ema ubọk ebekọt ikikaan̄ ayaya inu etapbe me jw.org melek JW Broadcasting^®. Jeen̄ ema sọnja sọnja ibe ekefuk Baibul me usen geelek, ekeneen̄ lek me lek nween̄mkpọ eyi ntitiin̄ mè eweek ufọọk-otu enyi idodo geelek ema ekaan̄be. Tap ubọk rọ inyi ema ekegwu nkeek ekom me lek inu emen ekebikween̄.

IKPỌ FIDIO DRAMA TAP UBỌK NYI EBI OKIGỌỌK IKWEEN̄ BAIBUL UFUNA EKEKAAN̄ IRIỌỌN̄-INU EYI AWAJI, MÈ IFỌỌK IDODO CHI:

• 

  Ike owa ke Matọn̄ osa itap ubọk irọ inyi Utoon̄ imun̄ ibe ke ikwekween̄ mkpọ ikare gaalek irọriọọn̄ ufọọk-otu?

• 

  Keke orọ ufuna Utoon̄ ichieek ijaan̄ ibe ke itat ubọk Jioba ochabe eru barabat?

• 

  Keke ke Utoon̄ onigobo itet ofo me lek ikekigwu nkeek ikom?