ILULUK UGWEM KUBỌK EBI EYI KARAIS
Kimun̄ Lek Kwun̄ Ike Jioba Okimun̄ Owu
“Ejit [NW, Jioba] îtop me lek ebi eyi kan̄.” (Itọn̄ 149:4) Ikerere ibe ke eji kpeso, Jioba ikekimun̄ ata eru kiji melek mkpọ echi eji ebekọt irọ. Ire, usini mgbọ, mokọt iyọt eji ikekimun̄ lek kiji ubọk ogbegbe. Eji mekọt ikimun̄ lek kiji kubọk eji kpekup lek inu geege bak lek ubọk ebi ene ekirọ eji me lek. Mè iyaka ire, ire eji ito chieen̄ me lek ijo inu echi eji ewuukbe lek irọ iraka, eji mekọt ibene ikikaan̄ cheche mè ire Jioba ichubọk ima eji. Eji esikeek mkpọ ikeya, keke obokọt itap ubọk inyi eji?
Kawuuk ibe ke Jioba ikimun̄ inu iraka ubọk ebilene ekimun̄. (1 Sam 16:7) Eyi isibi ibe ke ikimun̄ eji iraka ubọk eji ekimun̄ lek kiji. Ibele eji ejit irọriọọn̄ ibe ke Baibul ikpa ubọk Jioba okimun̄ eji. Eji mekọt iriọọn̄ ubọk Jioba okimun̄ eji sa me ifufuk ere Baibul mè mfufuk echi okijeen̄ ubọk Jioba osa ima ebi ikitọbọ ebum inyi ọmọ.
IKPỌ FIDIO RỌ INYI EJIT KWUN̄ ISIKI ME ISI JIOBA, MÈ IFỌỌK IDODO CHI:
Keke ke inu ntọt-me-lek ogwu okilibi ekot mè ogwu ute okijeen̄ eji ofolek ubọk Jioba okimun̄ eji?
Ire ogwu orọrọ ijo inu omimin irọ inu isasa inen̄e mgbaan̄je kan̄ melek Jioba isun̄, ike owa ke ibosa irọ mè ejit kan̄ isiki me isi Awaji?—1 Jọn 3:19, 20
Ike owa ke gwun̄ ute ya osa ikaan̄ oruru inan̄a me lek ifufuk mè igwugwu nkeek ikom me lek mfufuk Debit mè Jiosefat?