ILULUK UGWEM KUBỌK EBI EYI KARAIS
Ute mè Uga—Ijeen̄ Nsabọn Kinyi Ubọk Ebekisa Irọ Inyi Awaji Ikibele Ejit
Jioba imọnọ ebi ijija ibene enenen. Ikimun̄ ubọk ichechieek mè ima ema ekaan̄be me lek kan̄ okisa imin, ikimun̄ si ime kiban̄. (1 Sam 2:26; Luk 2:52) Ikerere ibe ke ema ire asasa, nsabọn mekọt irọ inyi ejit Jioba ikibele inan̄a me lek ata eru kiban̄. (Urọk 27:11) Itibi me lek ntitiin̄ kan̄, Jioba isan̄a isibi owuwa ata mkpọ ikwaan̄ echi obokọt itap ubọk inyi ute mè uga ejeen̄ nsabọn kiban̄ ibe ema mè ekesiki ibot enyi Jioba.
IKPỌ FIDIO NSABỌN—IME KINYI IKIRỌ INYI JIOBA IKAAN̄ UNWỌỌN̄! MÈ IFỌỌK IDODO CHI OGỌGỌỌK:
Kpasi ntap-ubọk mè ntọ-ubọk ke Jioba osan̄a isibi inyi ebi ijija me owuwa acha oraraka?
Kpasi mkpọ ikwaan̄ okup me mgbọ keyi isasa itap ubọk inyi ute mè uga?
Ire owu ire ogwu ijija, keke ke Jioba osan̄a isibi eyi orọrọ owu oruru, keke orọ ofọọkbe ikeya?