INU NKWEEN̄ 2

Ubọk Itumu Usem

Ebi Kọrint Eyi Oso Iba 2:17

ME MGBIDIM: Sa ubọk okisa itumu usem tumu, ike mokọtbe ijeen̄ nkeek kwun̄ me lek ibot usem ya melek ebi ikigban̄ owu utọn̄ me lek.

Riaak Uriaak mè riọọn̄ ubọk kaan̄ mbem lek. Riaak uriaak beek ntap ubọk kisi oto nkeek kwun̄ me lek etip kwun̄, ikare me lek kwun̄. Riọọn̄ ubọk kaan̄ me ejit kwun̄ okpan okpan inu oweekbe ikpakpa. Sa me ida usem kwun̄ sa kpa; kakpọkpọk ikifuk usem cha ike ubọk egonbe me ikpa.

Ire oweek ifufuk me emen Baibul miya ire ofifi ofifi ikpa, mun̄ ibe ke okween̄ ere ya ijaan̄ inyi okọt ofuk onwọn. Ire mige usem ene otumube, kifuk me lek nkeek ema esabe ige, kamaan̄lek irọ igak ubọk.
Tumu nan̄a me ejit kwun̄. Keek inu orọrọ ikupbe me ufiak ibe ebi ikigban̄ owu egban̄ usem yi. Gwuun̄ chieen̄ me lek kiban̄. Ike okekebe, mè ikisa akpalek kwun̄ irọ inu ikpọ me lek inwọn, ijeen̄ ibe ke inu okitumu inan̄a owu me ejit, mè ijeen̄ si ibe ke okaan̄ ima me lek ebi ikigban̄ owu.

Kawuwọlọ itutumu usem ubọk igbebe melek itutumu usem ubọk geelek. Tumu usem ebenọ me lek mbet ida ogbegbe inyi itap umin me lek usem kwun̄.
Kikpọ ebi okitumu usem inyi. Ire ikalọ ibe ekekpọ ene me agan̄ kinyi, monwọn ibe okokpọ ema. Osikinyi usem, kikpọ ene ge me mgbọ ge, kpan̄asi obokiriraan̄ chieen̄ kwun̄ ikana me lek otutuuk ene.